KHALATLUI 1:10 - Kathara Bible (BSI)

¹⁰ Proho nathumwui Vare china nathumli kachungkha mayāsangmihaira, kala yanglu, ara nathum kazingramwui sirāli ngayāhaira.

KHALATLUI 1:10 Iomraidhean Croise

HAOKAPHOK 15:5

Kala ana ali ayarshong thānshokta hānga, “Kazingramshong yangkālu; nana sirabing chi shānkhuishapakha shānkhuilu.” Chieina ana hānga, “Nawui naotunla chiyākhara.”

HAOKAPHOK 22:17

kachangkhat ina nali somira, kala ina nawui ara̱-azā kazingli khalei sirāyākha kala kongpheiwui situiyākha ngasā ngasakra. Kala nawui ara̱-azāna nawui yangkashebingwui ngavei khavangra.

HAOKAPHOK 28:14

nawui ara̱-azā okathuiwui chifayākhara, kala nathumna zingtunshong kala zingshoshong kala atungshong eina azingshong vāpeira; kala na eina nawui ara̱-azāwui eina okathuiwui shimkhur saikorali sokhami ngasā ngasakra.

1 THOTRINCHĀN 27:23

Davidna kum maga̱wui azingli khaleibing chi mashānmana, kaja Prohona Israelli kazingramwui sirāyakha ngasā ngasakra da ngashitmihai.

NEHEMIAH 9:23

Athumwui ara̱-azā kazingramwui sirāyākha nana mayāsangmi, kala avāva̱ ngarāli zangda zangkhuilu kaji ngalei chili thānvāmi.

LAA 107:38

Awui sokhami eina athum kachungkha mataisanga; kala ana athumwui sha̱keila masuitā ngasakmana.

SHONGZĀ 12:37

Kala Israelnaobingna Rameseswui eina zatlaga Succothli vāshunga, prei-naosan mashānla phei eina kazat mayarnaomāng mi thing shātharuk sha̱khana.

SHONGZĀ 32:13

Nawui raobing Abraham, Isaac kala Israelli phaningungmilu, kala na khalattana athumli ‘Ina nawui ara̱-azā kazingramwui sirāyākha ngasa ngasakra, kala ina ngashit kahai lam saikora hi nawui ara̱-azāli ina mira, kala athumna katang mavaila pānra’ da shākhi sāda hāngkahaina.”

ISAIAH 51:2

Nashāvā Abrahamli, kala nathumli kapharāva̱ Sarahli yanglu; kaja amāng khalei tharan ina hokakhuina, kala ina ali somida kachungkha sāngasaka.

EZEKIEL 16:7

arongwui akhar thāda okthuiranu’ da ina hānga. Chieina nana ngatarlak eina rarmamānda akhok kajuiva̱ ngalanao akha ngasāhaowa; ana̱la oka, kala nawui samla sāngsanga, chithālala na mahonghathai.

MISHĀN 1:46

athumwui mi mashing saikora shātharuk kala thing katum shāphangā kala hangphangāna.

MISHĀN 10:36

Kala oko china vangasām kajida ana hānga, “Mashānkharar Israelnao thingthingwuili hanunglu, O Proho.”

KHALATLUI 1:11

Ana nathumli ngashit kahai athishurda aruila navā ngarāwui Proho Varena nathum khaleiyākha thingthing mataida ngarumsangmiranu, kasola somiranu!

KHALATLUI 10:22

Navā ngarā athum hangshinimāng Egyptli tai; kha ara Proho nathumwui Varena nathumli kazingramwui sirāyakha thāda mataisangmihaira.

KHALATLUI 26:5

“Kala Proho nathumwui Varewui mangāli nathumna hithāda ngahānkāra, ‘Ishāvā ngarāva ramkazat Aramnaona, kala athum kateokhamāngna Egypt ngaleili tāda yaozatsai; kala chili yur akha ngasāda hakmahālakhaowa, panglākhaowa kala chunglakhaowa.

KHALATLUI 28:62

Nathum kazingramwui sirā yakkhasālala, nathum mashing kateokhamāng taihaora, khikhalajila nathumna Proho nathumwui Varewui kahāng manganāmana.

KHALATLUI 7:7

Nathumna yur kateili mi chungkhameiwui vang Prohona leishida kapangkakhui maningmana, hāngsa jiakha nathum teomeithuiya.