JOSHUA 9:9 - Kathara Bible (BSI)

⁹ Athumna ali ngahānkai, “Naraobing katāva̱wui eina kharāna; khikhalajila nawui Proho Varewui ming chiwui vang kharāna, kaja Egyptli ana kasā kala awui chānpao ithumna shāhaira,

JOSHUA 9:9 Iomraidhean Croise

1 WUNGNAOBING 8:41

“Chi tākam eina nawui mi Israel makhaning, yur katei akhana nawui mingwui vang ram katāva̱wui eina rāda,

NEHEMIAH 9:5

Chiwui thili Levinaobing, Jeshua, Kadmiel, Bani, Hashabneiah, Sherebiah, Hodiah, Shebaniah, kala Pethahiah, athumna hānga, “Katang makhavaiwui eina katang makhavai Proho nathumwui Vareli sochikatlu. Masotla, khayākakāla saikorawuitungli khaleia amingli sochikatranu.”

LAA 148:13

Athumna Prohowui mingli soranu; kaja amingmāngli khayā kakāna; awui tekhamatei okathui kala kazingli juimei.

LAA 72:19

Awui tekmateilak kahai mingli sochingranu, awui tekhamatei okathui hupta pemranu, Amen, Amen!

LAA 78:12

Egypt ngaleiwui Zoan tampākli leilakha, avāva̱ ngarāwui miktāli matakhak kahaibing sāchithei.

LAA 83:18

Proho kaho na okathui katongali Juikhamataiyana kaji chi athumli theiranu.

SHONGZĀ 15:14

Mibingna shāhaira, athum kathirra; Philistiali khaleibing khanangshunhaira.

SHONGZĀ 9:16

kha hiwui vang ina nathumli ringkhangasakna, iwui pangshap nathumli chitheida, okathui katongali iwui ming ngayaovāra.

ISAIAH 55:5

Yanglu, nana makathei yurbingli nana hokhuira, kala nali makathei yurbingna nawuili yāmrāra; kaja Proho nathumwui Vare kala Israelwui Katharawui vangna, kaja ana nali tekmatei ngasakhaira.”

ISAIAH 66:19

Kala ina athumwui alungli khamachut akha haira. Kala athumwui eina ringda khaleibing kaikha chi miyurbingli chihovāra: Tarshishli, Putli, kala Ludli; malā kahuna, Tubal eina Javan, ngayiphei katāva̱li khalei, iwui mingkhamayāng mashārang kaji lah iwui tekhamateila matheirang kajebingli; athumna yur saikorali iwui tekhamatei phongmira.

MISHĀN 14:15

Ara nana mibing hili thitkha sāngasakhaiakha, nawui mingkhamayāng shākahai miyurbingna,

MISHĀN 20:14

Mosesna Kadeshwui eina Edomwui awungali paomebing chihovai, “Israel nachinā ngarāna hi kahāngna: Ithumwui kachotkachāng nana thei;

OTSAK 8:7

Mi kachungkhawui eina makathar manglāna panglāk eina vaolaga shoka kala sheikasha̱ kala pheikatekbinglila raimi.

KHALATLUI 20:11

Kala athumna nathumli chingri khavai mayaakha, chili khalei mi saikorali nathumwui vang thoukai phungngasakta nathumli otram ngatha̱mi ngasaklu.

KHALATLUI 20:15

Hili khalei miyurbingwui keinungbing maningla nathumwui eina tāda khalei keinung saikorali nathumna chithāda sāserki kajina.

JOSHUA 9:10

chili lāngda Jordan kānda khalei Amorbingwui awunga khani Heshbonwui awunga Sihon eina Ashtarothli kapama Bashanwui awunga Ogli kathāda sākhala kaji ithum shāhaira.

JOSHUA 9:16

Athum tuingashit sāda kathumthang kākahaiwui thili, mibing chi athumwui luinganaili khalei mibingna kaji shāhaowa.

JOSHUA 9:17

Kala Israelwui mibingna zatphokta athumwui keinungli kakathumathang vāzanga. Athumwui keinungbing chiya Gibeon, Chephirah, Be-eroth, Kiriath-jearim hibingna.

JOSHUA 9:24

Athumna Joshuali ngahānkai, “Khikhalajila nawui Proho Varena awui rao Mosesli kasoda ngalei katonga hi mira kala ngalei hili kapama mi saikora nathumwui mangāli sāthathaora kaji naraobingli kahāngwui vang ithumna ithumwui mirinwui vang ngacheenahaida hithāda kasāna.