JOSHUA 9:6 - Kathara Bible (BSI)

⁶ Kala athumna Gilgal rāmrahli Joshua eina Israelwui mibingli asamphangda hānga, “Ithum katāva̱wui eina kharāna; chieina arui ithumli tuingashit akha sālu.”

JOSHUA 9:6 Iomraidhean Croise

1 WUNGNAOBING 8:41

“Chi tākam eina nawui mi Israel makhaning, yur katei akhana nawui mingwui vang ram katāva̱wui eina rāda,

2 WUNGNAOBING 20:14

Chiwui thili Isaiah marānna awunga Hezekiahli vāda hānga, “Mibing hina khi rāhāngkhala? Kala kachiwui eina kharākhala?” Hezekiahna ngahānkai, “Ngalei katāva, Babylonwui eina kharāna.”

JOSHUA 10:43

Chieina Joshuana Israel saikorali ngasoda Gilgal rāmrahli latunga.

JOSHUA 10:6

Kala Joshuana Gilgalli pamlakha, Gibeonwui mi chihorāda hānga, “Naraobingli napāng mayansāngnāhaila kharāngachonmilu; kala thākta kharākankhuimilu; kaja phungreiramli kapama Amorbingwui awunga saikorana ithumli rai sākhavai kuinamhaira.”

JOSHUA 4:19

Mibingna kachāng kharewui katharāthang Jordan kānda Jerichowui thari zingshoshong Gilgalli rāmrah asāpama.

JOSHUA 5:10

Israelwui mibingna Gilgalli pamlakha kachāng chiwui tharāda khamatethang ngazin Jerichowui tampākli makānkhami phanit mayona.

JOSHUA 9:5

athumwui pheili chiphokakhui pheihop, kala tanar kahai kachon ngavai kala morthut kahai khamuikao da khuiphunga.

JOSHUA 9:9

Athumna ali ngahānkai, “Naraobing katāva̱wui eina kharāna; khikhalajila nawui Proho Varewui ming chiwui vang kharāna, kaja Egyptli ana kasā kala awui chānpao ithumna shāhaira,