JOSHUA 9:21 - Kathara Bible (BSI)

²¹ Kala kathānabing china hānga, “Athumli ringngasakra.” Chiwui vang eina akhavābingna kahāng thāda athumli yarui ashangva̱wui vāng thingkapha eina tara̱ katā sāngasaka.

JOSHUA 9:21 Iomraidhean Croise

JEREMIAH 46:22

Ra̱rei ngamenthui kahaiwui khon thāda ana khonga; kaja awui yangkashebingna pangshap eina, thing ta̱katekbing thāda ngahā ngava̱riplaga kharomrai.

KHALATLUI 29:10

“Nathum aja nathumwui wungva̱bingla, khararnaobingla, kala otva̱bingla, Israelnao saikora Prohowui mangāli nganingserda leili,

KHALATLUI 29:11

nathumwui naongarā, napreiva̱ ngarā, kala nathumwui rāmrahli ngasopamda khalei kha̱minaobing, thing phākhame kala tara̱ tākhamebingla zangda leili,

JOSHUA 10:1

Jerusalemwui awunga Adoni-zedekna, Joshuana Ai yuikhuilaga Jericho kala chiwui awungali kasā thāda sākazamserhaira, kala Gibeonli khalei mibingna Israelli mashitkhuilaga athum pamrumhaira kaji shālaga,

JOSHUA 9:15

Chiwui vang eina Joshuana athumli masāthat khavai chingri kahai tuingashit akha sai kala yarui ashangva̱wui kathāna saikorana shākhi mi.

JOSHUA 9:20

Athumli hithāda sāra, athumli ringngasakra, maningakha athumli shākhi sākahaiwui vang eina chiwui malungkhavāt ithumwuitungli tāshunghaipaishina.”

JOSHUA 9:23

Ara chithāda sāda nathumli khonshihaira, chieina iwui Varewui shimkhurwui vang nathum raonao sāda kaikhana thing phāra kala kaikhana tara̱ tāmira.”

JOSHUA 9:27

Kha Joshuana athumli yarui ashangva̱ kala Prohowui hanphutwui vang thingkapha, tara̱ katā sāngasaka. Athumna aja eina tangda ot hi Prohona kakapang pamli sāda lei.