JOSHUA 9:17 - Kathara Bible (BSI)

¹⁷ Kala Israelwui mibingna zatphokta athumwui keinungli kakathumathang vāzanga. Athumwui keinungbing chiya Gibeon, Chephirah, Be-eroth, Kiriath-jearim hibingna.

JOSHUA 9:17 Iomraidhean Croise

2 SAMUEL 4:2

Chitharan Saulwui naomayara Ish-boshethwui mi ngaponkazāwui kathāna khani leisai; akhali Baanah, akhapali Rechab hoi; Be-erothli khalei Benjamin shimkhur Rimmonwui naomayara thathuiya (kaja Be-erothnaobing

1 THOTRINCHĀN 12:4

Gibeonwui Ishmaiah, a hi kapinga thumrāwui ngachaili akhana kala thumrāwui kathānana; Jeremiah, Jahaziel, Johanan, Gederahpa Jozabad,

1 THOTRINCHĀN 2:50

Hibing hi Calebwui ara̱-azāna. Epharathahwui naochizai Hurwui naobing: Shobalna Kiriath-jearimwui avāva̱na,

1 THOTRINCHĀN 2:52

Kiriath-jearimwui avāva̱ Shobalna, awui naomayara khangateila lei: Haroeh, kala Menuhothwui shang ngayarpak awui naosera.

1 THOTRINCHĀN 2:53

Kala Kiriath-jearimshi shimkhurbing: Ithritnaobing, Puthnaobing, Shumathnaobing, kala Mishraibing; athumwui eina Zorathnaobing kala Eshtaobing rākhamaronna.

1 THOTRINCHĀN 21:29

Kaja Mosesna lamhāngli leilakha sākakhui Prohowui tabernacle kala rikkatā kachigatwui hanphut chi atam chitharan Gibeonwui kajui apamli haihaisai;

EZRA 2:25

Kiriatharim, Chephirah kala Be-erothwui naotunbing, shāshini hangmatida kathum.

NEHEMIAH 7:29

Kiriath-jearim, Chephirah, kala Beerothwui mibing, shāshini hangmatida kathum.

JEREMIAH 26:20

Prohowui ming singda marānkhame mi akhala leisai; Kiriath-jearimli khalei Shemaiahwui naomayara Uriahna. Jeremiahwui tui thāda anala keinung hiwuitungli makhamayā marānmihaidalei.

JOSHUA 10:2

ngacheelakhaowa; khikhalajila Gibeon hi kahaka keinungna, wungnaowui keinung thāda Ailila hakkhamei akhana kala chiwui mibing rai pinglaka.

JOSHUA 15:60

Kiriath-baal (chiya Kiriath-jearim) kala Rabbah: athumwui kha̱bing eina ngasoda keinung khanina.

JOSHUA 15:9

chiwui thili thari chi kaphungton eina thuida Nephtoahwui Tara̱ ura̱pam vāshunga, kala chiwui eina Ephron Kaphungwui keinungbing vāshunga; kala Baalah (chiya Kiriath-jearim) vākuikhui;

JOSHUA 18:14

Chieina thuida thari chi zingtunshong vākuikhuida azingshong Beth-horonli yangngasungda khalei kaphungram chi vāshungda Judah shangwui keinung akha Kiriath-baal (chiya Kiriath-jearim) eina tanga. Hi zingtunvākwui tharina.

JOSHUA 18:15

Kala azingvāk Kiriath-jearim ayar eina haophoklaga thari chi Ephronli tai, kala Nephtoah Tara̱wui ura̱ pamli ungtanga;

JOSHUA 9:16

Athum tuingashit sāda kathumthang kākahaiwui thili, mibing chi athumwui luinganaili khalei mibingna kaji shāhaowa.

JOSHUA 9:18

Kha Israelnaobingna athumli masāthatmana, khikhalajila yarui ashangva̱wui kathānabingna Israelwui Proho ming singda Israelwui Vareli shākhi sāmihairasai. Chieina yarui ashangva̱na kathānabingli ngurngur matuihaowa.

JOSHUA 9:3

Kha Gibeonli kapambingna, Joshuana Jericho eina Aili kathāda yuihaokhala kaji shālaga,

JOSHUA 9:9

Athumna ali ngahānkai, “Naraobing katāva̱wui eina kharāna; khikhalajila nawui Proho Varewui ming chiwui vang kharāna, kaja Egyptli ana kasā kala awui chānpao ithumna shāhaira,

WUNGVA̱-WUNGVĀ 18:12

kala athumna Judahwui alungli khalei Kiriath-jerimli rairum asai. Chiwui vang apam chili Mahaneh-dan hokahaina, aja rāshungda Kiriath-jerimwui zingtunshong lei.

1 SAMUEL 6:21

Chieina athumna Kiriath-jearimli khaleibingli, “Philistinenaobingna Prohowui oko chi hanmihaira, tākhuida nathumwuili khuiunghaolu” da paomebing chihovai.

1 SAMUEL 7:1

Kala Kiriath-jearimwui mibingna Prohowui oko chi tākhuilaga kaphungli Abinadabwui shimli kāhai; kala chi yangmi khavai anaomayara Eleazarli athumna tharchigata.