JOSHUA 9:1 - Kathara Bible (BSI)

¹ Jordan kānda khalei kaphungram Lebanonshong Great Sea shangshungda kala khanem tampākli khalei Hit, Amor, Canaan, Periz, Hiv kala Jebuswui awungabingna shokta khalei otshot hi kashā eina,

JOSHUA 9:1 Iomraidhean Croise

2 SAMUEL 24:7

chiwui eina Tyrewui raipanshong vālaga Hivnaobing Canaannaobingwui keinung shānkhuiserlaga Beer-shebali khalei Judahwui Negebli vai.

SHONGZĀ 23:23

Iwui kazingraona nathumli thānmida Amornaobing, Hitnaobing, Periznaobing, Canaannaobing, Hivnaobing kala Jebusnaobingwui apamli vāzangda, kala ina athumli shimān ngasak kahai chitharan,

SHONGZĀ 23:31

Kala nathumwui thari Red Sea eina thuilaga Philistinewui ngayi vāshungda, kala lamhāng eina thuilaga Euphrates eina tangda sāra; kaja lam chiwui mibing nathumwui pāngli horsangmihaida nathumna kashamshokhaora.

SHONGZĀ 3:17

kala ina khangashitna, Egypt ngaleili kakhanang kachotwui eina thānshokta Canaannaobing, Hitnaobing, Amor, Periznaobing, Hivnaobing, kala Jebusnaobingwui ngalei seina̱ eina khuira̱ khalong chili thānvāra.

SHONGZĀ 34:11

Ina aja kakaso hi yangkhuilu. Yanglu, Amornao, Canaannao, Hitnao, Periznao, Hivnao, kala Jebusnaobingli ina nathumwui miktāli kashamshokra.

MISHĀN 13:29

Amaleknaobingna Negebwui ngaleili somda lei; Hitnaobing, Jebusnaobing kala Amornaobing phungreiramli pama, kala Canaannaobingna shamadrushong kala Jordan ngaheivāk pamdalei.”

MISHĀN 34:6

“Zingtun thariwui vanga, Great Sea eina chiwui shamadrupheibing hi nathumwui zingtun tharina; hi nathumwui zingtun thari sāra.

KHALATLUI 1:7

ngareikhuida Amorbingwui phungreiram chili, kala Arabahli athumwui luinganai saikora phungreiramli, kala tampākli, kala Negebli, shamadrupheili, Canaannaobingwui ngaleili, kala Lebanon kongrei, Euphrates kong vāshungda nathumwui shongzā zatvālu.

KHALATLUI 3:25

Jordan kānda khalei khamathā ram, mathalāk kahai phungreiram kala Lebanon kaho chi ila athei khavai kha-vāngasakmilu.’ da ina seihā sāda poi,

KHALATLUI 4:49

kala Jordan zingshoshong khalei Arabah Ngayi katonga vāshungda Pisgah phungrei pheili thari sākhui.

KHALATLUI 7:1

“Nathumna samphangki kaji ngaleili Proho nathumwui Varena thānkazang tharan, kala nathumli chungkhamei kala pangkhamei yur shini: Hit, Girgash, Amor, Canaan, Periz, Hiv kala Jebusnaobingli kashamhaida,

JOSHUA 1:15

Prohona nathumli kala nachināngarāli mangasām ngasakranglakha eina tangda kala Prohona athumli mikahai ngalei chi athumna khuikahaiwui thili; nathumwui ngasā kahai ngaleili Jordan kankāda zingshoshong Prohowui rao Mosesna nathumli mikahai ngalei chili hanungda pānra.”

JOSHUA 1:4

Lamhāng kala Lebanon hi eina thuida kongrei, Euphrates kong, zingtunshong Great Sea shangshungda khalei Hitnaobingwui ngalei saikora, nawui ngalei ngasāra.

JOSHUA 10:23

Kala athumna chithāda sai, kala Hebron, Jamuth, Lachish kala Eglonwui awungabingli akhuishoka.

JOSHUA 11:17

Halak Kaphungwui eina thuilaga Seirshong shangda, Harmon Kaphung azingli khalei Lebanonwui tampāk Baal-gad kaho apam chieina tangda vāshunga. Kala ana chiwui awunga saikorali yuihaida sāthatserhaowa.

JOSHUA 13:5

kala Gebalbingwui ngalei, kala Lebanon saikora, zingshoshong, Harmon Kaphungwui azingli khalei Baal-gad eina thuilaga Hamath vāzang khavai,

JOSHUA 15:12

Kala zingtunshong Kahaka Ngayiwui eina shamadrupheibing thari sai. Hi Judah shangwui shimkhur athishurda yarkahai kuimareikakhui tharina.

JOSHUA 22:4

Ara Proho nathumwui Varena nathumwui achinā ngarāli ana ngashit kahai athishurda ngasāmkhui ngasakhaira; chiwui vang eina ara ngareikhuida Prohowui rao Mosesna nathumli Jordan kong lākhavāk mikahai ngalei nathumwui shim chili ungulu.

JOSHUA 22:7

Atam chitharan Manasseh shang tangkhaili Mosesna shimlui Bashanli mihairasai; kha khangatei tangkhaili Jordanwui zingtunvāk athum chinao ngarāwui ngalemli Joshuana mi. Kala Joshuana athumli kachichāwui shimli kashiun chitharan ana athumli somi,

JOSHUA 23:4

Yanglu, ina Israel shangbingwui shimlui sākhavai, taihaida khalei ngaleibing eina ina shimit kahai miyurbingwui ngalei Jordan eina thuida zingtunshong Great Sea eina tangda zangnarlaga nathumli mihaira.

JOSHUA 24:11

Kala nathumna Jordan kānda Jericholi vai, kala Jerichowui mina nathumli rāngarara, kala nathumna Amornaobing, Periznaobing, Canaannaobing, Hitnaobing, Girgashnaobing, Hivnaobing kala Jebusnaobing saikoralila ngararda athumli ina nathumwui pāngli sangmi.

JOSHUA 3:10

Kala Joshuana hānga, “Chiwui thili, kharinga Vare nathumwui alungli lei kaji nathumna theikhuira kala makahatlakla ana Canaannaobing, Hitnaobing, Hivnaobing, Periznaobing, Girgashnaobing, Amornaobing kala Jebusnaobingli nathumwui miktāli kashamshokra.

JOSHUA 3:17

Kala Israelnaobingna ngalei katheng chili kānlakha, Prohowui tuingashit oko kaphunga pāngmonbing china mi saikora makānkupranglakha eina tangda Jordan kong alungthungli nganinga.

JOSHUA 5:1

Prohona Israelwui mibing Jordan mamakānkupranglakha eina tangda chiwui tara̱ theng ngasaka kaji shālaga, Jordan kānda zingtunshong khalei Amorbingwui awunga saikora kala shamadrupheili khalei Canaannaobingwui awunga saikora ngacheelakhaowa, kala Israelnaobingli khangacheena athumli manglā akhala mazangthuwa.

JOSHUA 6:27

Hithāda Prohona Joshuali ngasomi; chieina ngalei katongali awui ming zatlakhaowa.

JOSHUA 9:7

Kha Israelwui mibingna Hivnaobing chili hānga, “Nathum hiwui luinganaili khalei mi thai; chithakha ithumna nathumli kathāda tuingashit sapairakhala?”