JOSHUA 8:8 - Kathara Bible (BSI)

⁸ Kala nathumna keinung chi khui kahai tharan, nathumna keinung chi mei eina thottāhaolu, Prohona hāng kahai thāda sāra; ina nathumli hi kakasona da theilu.”

JOSHUA 8:8 Iomraidhean Croise

2 SAMUEL 13:28

Chieina Absalomna awui raobingli hānga, “Amnon mariphaida matuisasān kahai chi yanglu, kala ina ‘Amnonli saulu’ jikhaleoda ali sāthathaolu. Mangacheealu; ina kakaso maningmala? Malung zangmeilu kala pingmeilu.”

KHALATLUI 20:16

Kha nathumwui shimlui sāda Proho nathumwui Varena khami, miyurbingwui keinung saikora chili khalei mila, sha̱keila akha eina tangda maring ngasakpaimara,

JOSHUA 1:16

Chieina athumna Joshuali ngahānkai, “Nana ithumli kakaso saikora ithumna sāra, kala nana chikahoho apam chili ithum vāra.

JOSHUA 1:9

Pingmeida malung zangmeilu, da ina nali makasomala? Mangacheealu, kakhanangla makhanangalu, kaja nawui Proho Varena nawui kazatzatpamli ngasomira.”

JOSHUA 6:24

Kala athumna keinung kala chiwui alungli khalei ot saikora mei eina thottahaowa; kha lupāsā, sinā, pithrai eina mariwui khorkhongbing khuilaga Prohowui shimli khuiunga.

JOSHUA 8:13

Chithāda raimibing kachungana keinungwui atungshong kala chiwui rai khangakapbingna zingtunshong kazipa, kha Joshuava chithang ngayā tampāk chili pama.

JOSHUA 8:2

kala nathumna Jericholi kala chiwui awungali kasā thāda nana Ai kala chiwui awungalila sāmira; athumwui lan eina sha̱keimang nathumna ngapaikhuira; keinung chiwui zingtunshong ngathirai sālu.”

JOSHUA 8:22

Kala kaikhana keinungvāk eina rai kala khangatei kaikhana chivāk rāda Israelna athumli kuinamhaowa, kala Israelna athumli mayāmshok ngasaklakla shaothatserhaowa.

JOSHUA 8:28

Chithāda Joshuana Ai mei sa̱tāhaowa, kala katang makhavai ramcho sāngasak kahai chi ajala chithāda lei.

JOSHUA 8:7

chitharan nathumna rimkasāwui eina shokta keinung chi zangkhuira; kaja Proho nathumwui Varena keinung chi nathumwui pāngli sangmira.

JOSHUA 8:9

Chieina Joshuana athumli chihovāda Ai eina Bethel aniwui amatak Aiwui zingtunshong ngathirai asai; kha Joshuava chithang ngayā mibingli ngasopama.

WUNGVA̱-WUNGVĀ 4:6

Ana Naphtaliwui Kedeshli khalei Abino-amwui naomayara Barakli chihaovai, kala ali hānga, “Proho, Israelwui Varena nali kasoli, ‘Vālu Naphtali shang eina Zebulun shangwui mi thingtharā Tabor Kaphungli kazipkhuilu.