JOSHUA 8:35 - Kathara Bible (BSI)

³⁵ Mosesna kaso kahai chili Joshuana Israel katonga, sha̱nao, naoshinao kala athumwui alungli pankharuma kha̱mi saikora chiwui kazip chili, mapāshokkhangakān tui akhala maleimana.

JOSHUA 8:35 Iomraidhean Croise

EZRA 10:1

Ezrana Khorumshimli ngaleokazamlaga chapsasui ning ngateida leilakha Israelwui mibing khararnaosan kachungkha awui ngalemli rākazipa; kaja mibingna panglāk eina chapngachāhaowa.

NEHEMIAH 8:2

Kachāng kashinewui kharethang, pāngmon Ezrana yarui kazipli ain chi, sha̱naola mayarnaola, shākhuitheishap saikorawui mangāli khuirai.

NEHEMIAH 8:3

Tara̱ Ngaveiwui yāngreivāk ngareivāda, ngathor eina thuilaga ngashun eina tangda, sha̱naola, mayarnaola theikhuishap saikorawui mangāli pāchithei; kala mi saikora ningsanglak eina ain lairik chi nganākhui.

SHONGZĀ 12:38

Chili lāngda miyur kachungkha manātta athumli ngasoshoka kala seila, yaobingla, kala mebingla zanga.

JEREMIAH 26:2

“Prohona hithāda hānga: Prohowui shim kayāngli nganingda Judahwui keinungbing eina Prohowui shimli khorumkida kharā athum saikorali, ina nali kasoda kahahāng saikora hi hāngmiserlu, tui akha nida mathumhaipaimara.

JOEL 2:16

yaruili kazipkhuilu. Yarui kakazip chi tharngasaklu, ararbingli ngahotkhuilu; naoshinaobing, angangnaola ngakuikhuiserlu. Khām kahaia china awui kā eina shokranu, kala mākhām kahaiva̱nala awui kā eina rāranu.

ZECHARIAH 8:23

Ashangva̱wui Prohona hithāda hānga: Chitharan atui-arā khangatei yurbingwui mi tharāna Jehudi akhawui kachon rāsāza̱laga, ‘Ithum nali ngasovāga; kaja Varena nathumli ngasomi kaji ithum shāhaira,’ da hāngra.”

MARK 10:14

Jishuna chi kathei tharan malungvāthaowa kala athumli hānga, “Naoshinaobingli iwuili rāngasaklu; mahaphailu; kaja Varewui wungram chi chikathābingwuina.

OTSAK 20:27

Kaja Varewui kharin saikora chi ina nathumli thumkahai maleilakla hāngmihaira.

OTSAK 21:5

Kha apam chili ngasāmsangki kaji zimiksho peihaoda apam chi nothāhailaga ithumna vāki kajishong zatthuihaowa. Athum saikora preinaobing eina naoshinaobing ngasoda ithumli keinung kānshokta shamadruphei vāshungda ngasovai kala chili ithum saikora khuktizangda seihā sāruma.

KHALATLUI 29:10

“Nathum aja nathumwui wungva̱bingla, khararnaobingla, kala otva̱bingla, Israelnao saikora Prohowui mangāli nganingserda leili,

KHALATLUI 29:11

nathumwui naongarā, napreiva̱ ngarā, kala nathumwui rāmrahli ngasopamda khalei kha̱minaobing, thing phākhame kala tara̱ tākhamebingla zangda leili,

KHALATLUI 29:9

Chiwui vang eina nathumna kasāsā saikorali ringphameida okthui khavai tuingashit hi ning ngasharda mayonlu.

KHALATLUI 31:12

Ain hiwui tui saikora chi ngasharda mayon khavai, mayarnao, sha̱nao kala naoshinaobing kala nathumwui keinung alungli khalei kha̱mibing kazipkhuilu, chithāda athumna shākhuida Proho nathumwui Vareli khangachee leira,

KHALATLUI 4:2

Ina kagaso tui chili nathumna mangarumsangalu, khuikashokla makhuishokalu; chithāda ina nathumli kagaso, Proho nathumwui Varewui ningkhami chi mayonlu.