JOSHUA 8:33 - Kathara Bible (BSI)

³³ Kala Israel saikora, kha̱miranu, athum ramnaobingranu, athumwui khararnaobing, kala otva̱bing kala athumwui bichar samibingli ngasoda Prohowui tuingashit oko kaphunga Levi pāngmonbingwui mangāli, oko chili mai ngareingasungda nganinga; tangkhaina Gerizim Kaphung mangāvāk nganinga kala tangkhaina Ebal Kaphung mangāvāk nganinga. Hi Prohowui rao Mosesna khareli Israelwui mibingli somi khavai kasohaikasāna.

JOSHUA 8:33 Iomraidhean Croise

SHONGZĀ 12:49

Ramnaobingwui vangla kala nathumli ngasokharā kha̱miwui vangla ain akhamāngmara.”

PĀNGMONSHI 24:22

Kha̱minaoranu, ramnaoranu, nathumna ain akhamāng eina zatra, nathumwui Proho Vare chi ina.”

MISHĀN 15:15

Yarui ashangva̱ eina kha̱miwui ningkhami ngaraichada katang mavaila thot-thot kachida leichingra; Prohowui mangāli kha̱mila nathumwui chithāpapamra.

MISHĀN 15:16

Nathum eina nathumli ngasokazat kha̱miwui vang ain akha kala sharphahor akhara.

MISHĀN 15:29

Matheimada kasā mi kachiva̱ Israelwui mibingranu, kala athumli ram zatkharum kha̱mibingranu, saikorawui vang ain akhamāng leira.

JOHN 4:20

“Ishawo ngarāna phungrei hili khoruma, kha nathum Jihudibingna khorum khangayi apam chi Jerusalemna da hānga.”

KHALATLUI 11:29

Kala nathumna akhuiki kaji lam chili Proho nathumwui Varena thānkhavā chitharan, Gerizim Kaphungli sokhami tui hāngtāra kala Eball Kaphungli khonkashi tui hāngtāra.

KHALATLUI 31:12

Ain hiwui tui saikora chi ngasharda mayon khavai, mayarnao, sha̱nao kala naoshinaobing kala nathumwui keinung alungli khalei kha̱mibing kazipkhuilu, chithāda athumna shākhuida Proho nathumwui Vareli khangachee leira,

KHALATLUI 31:25

Mosesna Prohowui tuingashit oko phungkazata Levinaobingli kasoi,

KHALATLUI 31:9

Kala Mosesna ain hi kapikhuida Leviwui naomayarabing Prohowui tuingashitwui oko phungkazata kala Israelwui khararnao saikorali horsangmi.

JOSHUA 23:2

Joshuana Israel saikorali, athumwui ararbing, kala akuibing, athumwui bicharsamebing kala otva̱bingli hokhuida hānga, “I ara rarhaida saryuihaira,

JOSHUA 24:1

Chiwui thili Joshuana Israel shang saikora Shechemli kazipkhui, kala ararbing, akuibing, bicharsamebing kala Israelwui otva̱bing, saikorali hokhui kala athumna Prohowui mangāli rākazipa.

JOSHUA 3:14

Mibingna Jordan kānkhavai kachonshim eina kashok tharan athumwui mangāli tuingashit oko ngava̱kazata pangpmonbingna rida zata,

JOSHUA 3:3

mibingli kasoi, “Leviwui pāngmonbingna Proho Varewui tuingashit oko chi ngava̱kakā theikhaleoda, nathumwui pam eina zatphokra kala chili shurlu,

JOSHUA 3:6

Kala Joshuana pāngmonbingli hānga, “Tuingashitwui oko chi ngava̱kāda mibingwui mangāli zatvālu.” Chieina athumna tuingashit oko chi ngava̱phungda mibingwui mangāli zata.

JOSHUA 4:10

Kaja Mosesna Joshuali kaso kahai athishurda Prohona Joshuali sāluda kaso kahai saikora makupranglakha eina tangda oko chi khangava̱ pāngmonbingna kong alungthung chili nganinga. Mibingna katotsisi eina makānkai;

JOSHUA 4:18

Prohowui tuingashit oko khuikaphunga pāngmonbing chi Jordan alungthungwui eina zatphokta athumwui phei ayar kathengli shoknaikasang eina, Jordanwui tara̱ chi hanungda kharewui khalong thāda kong pemda longluihaowa.

JOSHUA 6:6

Chieina Nunwui naomayara Joshuana pāngmonbingli hokhuida hānga, “Tuingashitwui oko chi ngava̱kālu kala pāngmon shinina yaovāngajiwui talla̱ shini khuiphungda Prohowui oko mangāli zatngasaklu.”