JOSHUA 8:31 - Kathara Bible (BSI)

³¹ Prohowui rao Mosesna Israelwui mibingli kaso kahai, ain lairikli kapi kahai thāda “Masākakhaiya kala mari eina makashāna ngalungwui hanphut” na kala chiwuitungli athumna Proholi rikkatā kachigat kala ningyatchigat sai.

JOSHUA 8:31 Iomraidhean Croise

2 WUNGNAOBING 14:6

Kha shaokathatabingwui anaongarāli masāthatmana: Prohona kaso kahai Moseswui ain lairikli kapi kahai athishurda, “Naongarāwui vang eina avāva̱ ngarāli masāthatpaimara; lah avāva̱ ngarāwui vang eina naongarāli masāthatpaimara, kha mi kachiva̱na ichichā moreiwui vang thira.” da kapihaisai.

2 WUNGNAOBING 22:8

Kala Pāngmon kharei Hilkiahna kapime Shaphanli hānga, “Prohowui shimlungli ain Lairik chi ina samphanghaira.” Kala lairik chi khami eina Shaphanna pāyanga.

2 THOTRINCHĀN 25:4

Kha Prohona kaso kahai Moseswui ain lairikli, “Naowui vang avāva̱li masāthatpaimana, avāva̱wui vang naoli masāthatpaimana, kha mi kachiva̱ kachichāwui khayonwui vang thiki kajina” da kapi kahai athishurda anaongarāli masāthatmana.

2 THOTRINCHĀN 35:12

Moseswui lairikli kapi kahai athishurda, avāva̱ ngarāwui shimkhur athishurda kharābingna Proholi chigat khavai rikkatāchigatsā ngateida phaishokmi. Kala mukkābingla taithatlaga chithāda phaishokmi.

EZRA 6:18

Kala Moseswui lairikli kapi kahai thāda Jerusalemli Varewui otram ngatha̱ khavai athum pāngmonbingli kala Levinaobingli kachichāwui otpamli ngateida pamngasaka.

NEHEMIAH 13:1

Chithang, mibingna shākhavai athumna Moseswui lairikwui eina pai; kala chili, Ammonnaobing nilala, Moabnaobing nilala, Varewui yarui kazipli mazangpailakmana da kapihaisai;

SHONGZĀ 18:12

Kala Moseswui awova̱ Jethrona Vareli rikkatā kachigat kala pha̱kaphayā akha sai, kala Aaronna Israelwui ararbing saikorali thānrāda Varewui mangāli Moseswui awova̱li phazāruma.

SHONGZĀ 24:5

Kala ana Israelwui yaronnaobingli chihoda rikkatā kachigat eina ningyatchigatwui vang mukkā kachungkha Proholi apha̱ ngasaka.

MATTHEW 12:26

Satanna Satanli kashamshokakha akhalatta ngayar kahaina. Chithākha kathada awui wungram chi leisārakhala?

KHALATLUI 27:2

Kala nathumna Jordan kānlaga Proho nathumwui Varena nathumli khami ngalei chili akārkasang tharan, lungkhor kahakhakva khorlaga nāpkhavai eina nāplu;

KHALATLUI 27:8

Kala nathumna lunggui chiwuitungli ainwui tui saikora hi tharlak eina kapisanghailu.”

JOSHUA 1:8

Ainwui Lairik hi mahorhailakalu, kha ngashun ngayā machukpamlu, chithakha kapi kahai kachiva̱wui athishurda ning ngasharda sāshapra; chithāda nawui shongfa mataisangda nana maikhayā samphangra.