JOSHUA 8:29 - Kathara Bible (BSI)

²⁹ Joshuana Aiwui awungali thingtungli thāngda ngazin eina tangda kāngyuihai, kala zimik katun eina athumna awui angun chi khuitāda keinung ngaveili phum khavai Joshuana kasoi, kala lungkhor kahaka khorda, lungkhor chi aja eina tangda lei.

JOSHUA 8:29 Iomraidhean Croise

2 SAMUEL 18:17

kala athumna Absalomli khuilaga ngahongwui akhur kahakva akhali horsanghaowa, laga lungkhor juilak eina khorphinhaowa; kala Israelnaobing kachichāwui shimli hanunghaowa.

ESTHER 7:10

“Ali chili phāshi sahaolu” da awungana hānga. Chiwui vang Mordecaiwui vang sākahai tārong chili Hamanli phāshi sāhaowa. Chiwui thili awungawui malungkhavāt nemhaowa.

LAA 107:40

ana wungnaobingli khayāmashi ngasakmana kala athumli shongfa makhalei lamhāngli yaozat ngasaka;

LAA 110:5

Prohona nawui yāshong lei; a malungvātthang awungabingli akha̱ sāngasakra.

JOHN 19:31

Chithang chi Khangaran kasā zimiksho sāhaoda, sabbaththang (kaja sabbath hi haklāk kahai zimikshona) kathi angun chi krushli kāngyuilaga mahaingaithuda athumna aphei sāteklaga krushwui eina khuithuihai khavai Jihudibingna Pilateli poi.

OTSAK 12:23

Ngalangda Prohowui kazingraona yapkārsanghaowa, khikhalajila Herodna Vareli mamasotchikatmana; kala ali kachaina shaida thihaowa.

JOSHUA 10:30

kala ngalei chila awungala Prohona Israelwui pāngli horsangmiserhaida mi saikora raighai eina sāthatserhaowa; ana chili khipākha mataimimana; kala ana Jerichowui awungali kasā thāda chiwui awungalila chithāda yuikhui.

JOSHUA 10:33

Chieina Gezerwui awunga Horamna Lachishli ngachon khavai rai, kha Joshuana awunga eina mibing saikora sāthatserhaida khipākha mataimana.

JOSHUA 12:9

Jerichowui awunga, akha: Bethel ngalemli khalei, Ai awunga akha;

JOSHUA 7:26

Kala athumna awuitungli ngalung khorda wonrā sākahai chi aja eina tangda lei; hithāda Prohowui malungkhavāt suitāhaowa. Chieina apam chili aja eina tangda Achor Tampāk da hoi.

JOSHUA 8:23

Kha Aiwui awungali athumna kharing eina tukkhui, kala Joshuali khuiungmi.