JOSHUA 8:28 - Kathara Bible (BSI)

²⁸ Chithāda Joshuana Ai mei sa̱tāhaowa, kala katang makhavai ramcho sāngasak kahai chi ajala chithāda lei.

JOSHUA 8:28 Iomraidhean Croise

2 WUNGNAOBING 19:25

“Na mashāsamala ina rilak eina chukmaja kahai chi? Ina achālakhawui eina machuk kahai arui rāshok khangasakna, kaja ngaziplak eina ngavei kahai keinungbing ngayāng ngasakra da,

ISAIAH 17:1

Damascuswui pongli khamarān: Yanglu, Damascus hi keinung mangasāluimara, kashimān khorkahai ngasāhaora.

ISAIAH 25:2

Kaja nana keinung chifa sāngasakhaira, raipan ngaruimit kahai konung macho ngasaka; yangkashewui keinung, keinung masāluimara, masākārarluimara.

JEREMIAH 49:2

Chiwui vang eina yanglu, zimiksho chi rārali, chitharan ina Ammonnaobingwui Rabbahli ngasung khavai raivao shāngasakra da Prohona hānga, Apam hi ngachakyāng kahai kaphung ngasāthuihaora, kala kha̱wung saikora mei thottāmihaora; chitharan Israel ngapaikakhuia athumwui eina ngapaikhuiluira da Prohona hānga.

JEREMIAH 50:26

Apam kachiva̱wui eina rālu, awui zātshim rāsholu; mangum khorkachupkālu, kala ali zakshilak eina sāmilu; akhala mataimihaialu.

JEREMIAH 9:11

“Ina Jerusalem hi ngayānghaida khorkazam kahaipam sāngasakra, ramfapam sāngasakra. Ina Judahwui keinung ngachakyāng ngasakhaida mi malei ngasakmara.”

MICAH 3:12

Chiwui vang eina, nathumwui vang eina Zionli lui kasao thāda saora; Jerusalem katek-kakai khorkahai thāra, kala khorumshimwui kaphung chila ngahong kashā ngasāhaora.

KHALATLUI 13:16

Nathumna chiwui thongthāngbing saikora kayāng khamaseli kazipkhuida, kala chiwui ot saikora Proho nathumwui Vareli rikkatā kachigat sāda keinung chi mei sa̱talu, khanao eina tangda chuita kahai chi leichingda chi naoda masākāluimara.

KHALATLUI 13:17

Chiwui otyur nathum akhala pāngli mangathānpaimara; chithāda sāda Prohona malungkhavāt nemhaida nathumli phaningmida lumashanmira kala navā ngarāli ngashitmi kahai thāda nathumli mataisang ngasakra.

JOSHUA 4:9

Kala pāngmonbingna tuingashit oko chi ngava̱laga khanganing Jordan alungthung chili Joshuana ngalung tharāda khani shoma; kala chi aja eina tangda lei.

JOSHUA 8:29

Joshuana Aiwui awungali thingtungli thāngda ngazin eina tangda kāngyuihai, kala zimik katun eina athumna awui angun chi khuitāda keinung ngaveili phum khavai Joshuana kasoi, kala lungkhor kahaka khorda, lungkhor chi aja eina tangda lei.