JOSHUA 8:1 - Kathara Bible (BSI)

¹ Kala Prohona Joshuali hānga, “Mangacheelu, lah ningla masuitālu; raimi katonga khuiphunglu kala ngakarthuida Aili shanglu. Yanglu, Aiwui awunga, awui mibing, awui keinung kala awui ngalei ina napāngli sangmihaira;

JOSHUA 8:1 Iomraidhean Croise

LAA 27:1

Proho iwui kahor kala ili huikhamena; ina khipāli ngacheerakhala? Prohona imirinwui raipanna; khipāli ina ngangrakhala?

LAA 44:3

kaja athum khalattawui raighai eina ram chi yuikakhui maningmana; athum khalattawui pāngthei einala yuikakhui maningmana; kha nawui yāpang pāngthei eina, kala namaiwui kahor chinana; kaja nana athumli ningyāngunga.

LAA 46:11

Ashangva̱wui Proho chi ithumli ngasomida lei; Jacobwui Vare chi ithum ngayin khavaina.

ISAIAH 12:2

Yanglu, Vare iwui huikhamena, ina shitsangda mangacheemara; kaja Proho VARE iwui yāngna kala iwui laana; kala ana iwui huikhame ngasāhaira.

ISAIAH 43:2

Nana tara̱lungli zatlala ina ngasomira, kongli kānlala makheithuimara; meitungli zatlala machuimara, meiwonna machuitārarmara.

JEREMIAH 46:27

“Kha iwui rao, O Jacob, mangacheealu, kakhanangla makhanangalu, O Israel; kaja yanglu, katāva̱wui eina nali kala nawui arā-aza̱ raithā kahaipamwui eina ina kanmira, Jacobna latungda chingri-vari eina okthuiluira; kala khipānakha ali mangachee ngasakmara.

JEREMIAH 49:3

Chapngachālu, O Heshbon! kaja Ai ramcho sāmihaira. Chaplu, O Rabbahwui naongalāva̱bing! Nathum khalatta bora ngavailaga kuikhamarei ngavei ungshung vāshungda chapngachāzatlu! Kaja Malcomli ngasoda awui pāngmonbing, wungnaobing, raikathāli khuithuihaora.

DANIEL 2:21

Atam, zur-kan ana ngachei ngasaka, ana wungnaobingli khuishok khuizang sai; thangkhamabingli awor mi, kala theishingkakhuibingli kathem mi.

DANIEL 4:25

kaja miwui eina nali kashamhaida khararwui sāyurli ngasopamra; nali mukkā thāda khawo phāshai ngasakra, kala nali kazingramwui ikra̱na ya̱ngasakra, kala Reikhamataiya china mikumowui wungramli mungra kala ana mikhangai mi chili mira kaji nana matheikhuiranglakha eina tangda shini shida peingasakra.

DANIEL 4:35

okathuiwui mi awui mangāli khikha maningmana; kazinglila okathuilila awui kaphaning athishurda sai; khipānakha mangakaishirarmana, Khi kasākhala? da khipākha mangahānrarmana.

MATTHEW 8:26

Ana athumli hānga, “Khisāda nathum ngacheehaokhala? He shitkasang makhalei mibing!” Chiwui thili ana ngakarthuida masi eina shamadru chili chingrihai kharara, chieina va̱rihaowa.

KHALATLUI 1:21

Yanglu, ngalei chi Proho nathumwui Varena nathumwui mangāli haimihaira; navā ngarāwui Proho Varena hāngkahai thāda chili vāda asompamlu; mangacheealu; lah ning masuitaalu.’

KHALATLUI 31:8

Prohona nathumwui mangāli rizatmiki kajina; ana nathumli ngasomira, ana nathumli masākhami maleimara lah horkahaila masālakmara; mangacheealu lah ningla masuitāhaialu.”

KHALATLUI 7:18

nathum athumli mangacheelu, kha Pharaohli kala Egyptnaobingli Prohonathumwui Varena kathāda sākhala kaji phaningunglu,

KHALATLUI 7:21

Athumli ngachee khavai maleimana; kaja nathumli ngasomida khalei Proho nathumwui Vare chiya sāshap-vāshapa kala makahaiya Varena.

JOSHUA 1:9

Pingmeida malung zangmeilu, da ina nali makasomala? Mangacheealu, kakhanangla makhanangalu, kaja nawui Proho Varena nawui kazatzatpamli ngasomira.”

JOSHUA 10:7

Chieina Joshuana raimi saikora kala kapanga saikora khuiphungda Gilgalwui eina zatphokuwa.

JOSHUA 10:8

Kala Prohona Joshuali hānga, “Athumli mangacheelu, kaja athumli ina napāngli horsangmihaira; athum mi khipānakha nali mangasungrarmara.”

JOSHUA 2:24

“Kachangkhat Prohona ngalei saikora chi ithumwui pāngli sangmihaira; kala chili lāngda chili kapāna mibing saikora ithumwui pongli shāda ngacheelak eina leili.”

JOSHUA 6:2

Chieina Prohona Joshuali hānga, “Yanglu, ina Jericho kala chiwui awunga kala rai kapingabing eina ngasoda napāngli sangmihaira.

JOSHUA 7:9

Kaja Canaannaobing kala ngalei chili kapambingna hi shālaga ithumli rakuinamra, kala ithumwui ming okathuiwui eina katathaora; kala nawui hakkhamahā mingwui vāng nana khi sārakhala?”