JOSHUA 7:9 - Kathara Bible (BSI)

⁹ Kaja Canaannaobing kala ngalei chili kapambingna hi shālaga ithumli rakuinamra, kala ithumwui ming okathuiwui eina katathaora; kala nawui hakkhamahā mingwui vāng nana khi sārakhala?”

JOSHUA 7:9 Iomraidhean Croise

LAA 115:1

Ithumli maningla, O Proho, ithumli maningla, kha tekhamatei namingli miranu, nawui makhangachei leikashi, kala nawui ningkatongwui vang!

LAA 48:10

Nawui ming mara̱sa̱da, O Vare, nawui masot okathui vākatanglila vāshunga. Nawui yāpangli khayuina pemtinghai;

LAA 79:9

Ithumli khangachon milu, O ithumwui huikhame Varivara, namingwui tekhamateiwui vang; ithumli kanmilu, kala ithumwui morei pheomilu, nawui mingwui vang.

LAA 83:4

Athumna, “Rālu, yur akha khangasā hi shimit khavai sāsa; Israel kaho ming maphaningungluiranu” da hānga.

LAA 83:5

Mha, athum mijang khoma; nawuitungli mamayāla tuingashit sai—

SHONGZĀ 32:12

‘Phungreili ashaothat khavai kala okathuiwui eina shimān ngasak khavai ana makaphā khangarān leida athumli thānkashokna’ da khisāda Egyptnaobingli hāngngasakrakhala? Sakashi malungkhavāt kala nawui mibingli makaphā taki kajiwui eina ngacheimilu.

EZEKIEL 20:9

Kha imingwui vang phaninglaga, Egypt ngaleili I khipākhala da chithei kahaiwui vang, athum miktāli masāchitheimara da khikha makathāna.

JOEL 2:17

Khamong eina hanphut ngachaili Prohowui otram khangatha̱ pāngmonbing; chapngachāda “Nawui mibingli huimilu, Proho! Nawui malungkhavāt, miyur kateina mana̱shi khavai masāmialu, ‘Athumwui Vare kali leikhala’ da athumna khi hāngkhavai lei.”

MICAH 7:10

Chiwui thili iwui yangkashena theira, kala “Nawui Vare Proho kali leikhala?” da kahāngpāva̱ khayāmalāra. Imikna ali yanggazira kala chānreiwui chifa thāda naikazamra.

MISHĀN 14:13

Kha Mosesna Proholi hānga, “Chithakha Egyptnaobingna shāhaora, kaja miyur hili nana nawui pangshap eina athumwui eina khuikashokna,

JOHN 12:28

Avā naming tekmateimeiranu.” Chieina kazingramwui eina akhon akha vaorai, “Ina tekmatei ngasakhaira, kala tekmatei ngasakluishitra.”

KHALATLUI 9:28

Chimaningakha, nana ithumli thānshok khavaipam chiwui mibingna, “Khikhalajila Prohona ngashit kahai ngalei chili athumli mathānvārarthuda kala athumli ningkakachaiwui vang, lamhāngli shaothat khavai thānkhavāna jihaora.”

JOSHUA 7:10

Prohona Joshuali hānga, “Ngakarthuilu, khisāda hithāda khorumpamkhala?

JOSHUA 7:8

O Proho, Israelna athumwui yangkashibingwui eina yāmthui kahai tharan ina khi hāngrakhala?

1 SAMUEL 12:22

Kaja awui hakkhamahā amingwui vang Prohona awui mibingli mahorhaimara, khikhalajila nathum awui miyur khangasā hi awui ringkaphāna.