JOSHUA 7:6 - Kathara Bible (BSI)

⁶ Chieina Joshuana awui kachon serkhaklaga Israelwui khararnaobingli ngasoda athumwui kuili hotla neolaga Prohowui oko mangāli ngazin eina tangda ngakhumzangda pama.

JOSHUA 7:6 Iomraidhean Croise

HAOKAPHOK 37:29

Reubenna khorchop chili ungkhayang chitharān Joseph maleikasa eina awui kachon serkhākta,

HAOKAPHOK 37:34

Chieina Jacobna awui kachon serkhaklaga borashi shanneilaga zimiksho sha̱rākhathang Josephwui vang chapngachai.

2 SAMUEL 1:11

Chieina Davidna awui kachon yonkhuida serkhāka; kala ali khangasobingla chithāda sai;

2 SAMUEL 1:12

kala athumna Saul eina Jonathanwui vang kala Prohowui mibing Israel shimkhur raili thikahaibingwui vang, athumna mangayāranglakha eina tangda kakhum eina chapngachāreihai.

2 SAMUEL 1:2

kala kakathumathang, yanglu, mi akha kachon tānār eina ngavailaga kui ngalei tottāt eina, Saulwui rāmrahwui eina rārāsai. Kala Davidli kathei eina ana ngakhumshām eina khayashiya.

2 SAMUEL 12:16

Nao chiwui vang Davidna Vareli poi; Davidna kakhum eina pamda, ngayā pongda ngaleili ngakhorpithaida Vareli poi.

2 SAMUEL 13:19

Kala Tamarna kuili hotla neolaga awui katuma phahon chi serkhakhaida, kala apāng kuili khangkālaga panglāk eina chapmamānda thuihaowa.

2 SAMUEL 13:31

Chieina awungana ngakarthuida, kachon serkhākta ngaleili ngakhorzanga. Awui ngalemli leikasā raobingla athumwui kachon serkhakhaowa.

2 WUNGNAOBING 22:11

Awungana ainwui lairikli kapihaikasā chi kashā tharan, awui kachon serkhākta,

2 THOTRINCHĀN 34:19

Awungana ainwui tui chi kashā tharan ana awui kachon serkhāka.

EZRA 10:1

Ezrana Khorumshimli ngaleokazamlaga chapsasui ning ngateida leilakha Israelwui mibing khararnaosan kachungkha awui ngalemli rākazipa; kaja mibingna panglāk eina chapngachāhaowa.

NEHEMIAH 9:1

Kachāng chiwui maga̱da khamatethang, Israelwui mibingna kakhum eina pamda, bora ngavailaga kuili ngaleila neoda kazipa.

ESTHER 4:1

Mordecaina shokkahai saikora chi theilaga, awui kachon serkhākta bora ngavailaga hotla neoda malung ringda panglāk eina chaplaga keinungli vai;

ESTHER 4:3

Kala awungawui hukhum samkaphang ngalei kachiva̱li Jehudibingna malung ringlak eina chapngachāda khumpama kala sifada chapngakāna, kala athum kachungana hotla neoda bora ngavai.

JOBWUI LAIRIK 1:20

Chieina Jobna ngakarthuida awui khangavai kachon serkhāklaga kui sihaida, ngaleili ngakhumshām zanglaga khoruma.

JOBWUI LAIRIK 2:12

Kala athumna katāva̱ eina ali kathei tharan; ali mamachutrarthuwa; kala athumna akhon panglāk eina shokta chapsasuihai; kala athumna khangavai kachon serkhākta chifa kazingramshong horkāda athumwui kuitungli chairora.

JOBWUI LAIRIK 42:6

chiwui vang I khalatta ningkachaiya, kala chifa eina hotlālungli ining ngateili.”

CHAPCHĀT 2:10

Zionwui naongalāva̱wui ararbingna akhon akhak mashokla ngaleili pama; athumna bora ngavaida kuili hotla neowa; Jerusalemwui ngalānaobingna kui mashunda ngaleili yangzanga.

MISHĀN 14:6

kala Canaan akhayangli kazanga Nunwui nao Joshua eina Jephunehwui nao Calebna kachon serkhākta Israel ashangva̱li hānga,

MISHĀN 16:22

Anina mai mashunzangda hānga, “O Vare, manglākapai saikorawui Vare, mi akhana morei kasāwui vang yarui ashangva̱li malungvātrala?”

MISHĀN 16:45

“Yarui ashangva̱ hiwui eina yāmulu, hunkhawui lungli ina athumli shimān ngasakhaora.” Kala anina mai mashunzanghaowa.

OTSAK 14:14

Kha paokazata Barnabas eina Paulna chi kashā eina aniwui kachon serkhaklaga yaruiwui lungli yongshokta vaowa,

JOSHUA 7:7

Chieina Joshuana hānga, “Iyavo, O Proho VARE, khisāda mibing hili Jordan kānda khuirāsakhala? Amorbingwui pāngli misangda thikhavai kasāla? Ithum Jordan makānla lākhavāk pamsasi kaje phāmeira!

PHONGKHAMI 18:19

Athumna kuili hotlā parrorda chapsasui hānga, “Iyavo, iyavo, khareia keinung! Shamadruli jahas leida leihkhalonbingna shāngkhui khavaipam! Pung akhawui alungli shimānngalānghaira.”

WUNGVA̱-WUNGVĀ 11:35

Kala ana ali theilaga kachon serkhākta hānga, “Iyavo, inao ngalāva! nana ili maishi ngasakhaira, ili khanang khangasak chi na ngasāhaira; kaja ina Proholi khamor eina ngashit kahai chi makhalanluipaimara.”

WUNGVA̱-WUNGVĀ 20:23

Kala Israelwui mibingna Prohowui mangāli kāda ngazin eina tangda chapsasui Proholi “Ichināngarā Benjaminnaobingli rai masāluirakhala?” da ngahāna, kala Prohona hānga, “Athumli angararlu.”

WUNGVA̱-WUNGVĀ 20:26

Chiwui thili Israelwui mi saikora, raimi katonga Bethelli kāda chapa; athumna Prohowui mangāli pamda ngazin eina tangda kakhum eina rikkatā kachigat kala ningyatchigat Proholi chigata.

WUNGVA̱-WUNGVĀ 21:2

Kala mibingna Bethelli vāda, ngazin vāshungda Varewui mangāli ngavaoda chapsasui akhoruma.

1 SAMUEL 4:12

Chithang ngalāngda Benjaminwui mi akha, kachon serkhākta, akuili ngalei neolaga, raiphungwui eina Shilohli yongunga.