JOSHUA 7:5 - Kathara Bible (BSI)

⁵ kala Aiwui mibingna Shebarimwui ngaveikhur eina tangda ngahomtai kala athum thumrāda tharuk sha̱khali shaothathaowa. Chi theilaga mibing malungkaping shimānhaida ngacheeranghaowa.

JOSHUA 7:5 Iomraidhean Croise

LAA 22:14

I ngaleili tara̱ heikatā thāhaira, kala iwui ara̱kui saikora ngacheihaira; iwui wuklung khuira̱ thāhaira, iwui wuklungli menghaira,

LAA 58:7

Longthui kahai tara̱ thāda athum shimānhaoranu; khawo thāda athumli naikharothaoranu kala ngahuihaoranu.

ISAIAH 13:7

Chiwui vang saikorawui pāng tāta̱haora; mi kachiva̱wui ning shimānhaora,

EZEKIEL 21:7

Kala athumna nali, ‘Khiwui vang sikafa?’ da hāngakha nana, ‘Pao chiwui vangna. Chi ungkashung tharan, mi kachiva̱wui ning thenghaora, kala apāng saikora pangshap maleimara, manglā saikora vānhaora kala khuksao saikora tara̱ thāda ngazanhaora. Yanglu, chi rārāli, kala chi mashoila shoklakra’ da Proho VAREna hānga.” da hāngra.

PĀNGMONSHI 26:36

“Kala nathumwui ngachaili notha kahaibingli athumwui yangkashebing ramli malung kashamkhai ngasakra, thingnākao phankazatkhon shālaga yāmngasakra kala raighaili khangachee thāda yāmra, khipānakha makharomlala yāmda kongluisangra.

NAHUM 2:10

Ramcho! achoro ngasāhao! ning thenghao, khuksao kathira, akashān tongda ngasheihao, amai saikora thengchenghaowa!

KHALATLUI 1:44

Chieina phungreiram chili kapama Amornaobingna khui khalor thāda Seirli nathumli ngararlaga Hormah vāshungda kharomvai.

JOSHUA 2:11

Chi shākhaleoda ithum ngacheelakhaowa; kala mayarnao khipākha ningkhanganung maleithuwa; kaja Proho nathumwui Vare chiya kazingramwui kala okathuiwui Varelaka.

JOSHUA 2:9

“Prohona ngalei hi nathumli mihaira kaji ina thei kala nathumwui pongli khangachee chi ara ithumwuili rāhaira, chiwui vang eina ngalei hiwui mibing nathumwui mangāli nganukhaira.

JOSHUA 5:1

Prohona Israelwui mibing Jordan mamakānkupranglakha eina tangda chiwui tara̱ theng ngasaka kaji shālaga, Jordan kānda zingtunshong khalei Amorbingwui awunga saikora kala shamadrupheili khalei Canaannaobingwui awunga saikora ngacheelakhaowa, kala Israelnaobingli khangacheena athumli manglā akhala mazangthuwa.