JOSHUA 7:25 - Kathara Bible (BSI)

²⁵ Kala Joshuana hānga, “Khisāda nana ithumli chot ngasakhala? Aja Prohona nali kachot khuirāmihaira.” Chieina Israelnaobing saikorana athumli ngalung eina horthatta athumli mei eina riktāhaowa.

JOSHUA 7:25 Iomraidhean Croise

HAOKAPHOK 34:30

Chiwui vang Jacobna Simeon eina Levili hānga, “Nanina iwuitungli kakhanang mida ram hili khaleibing Canaannao kala Periznaobingna ili chamalā khavai nanina retsangmihaira; iwui mi kateokhamānga, athum kazipkhuilaga ili rākaiakha, ili sāshimānhaora, I kala iwui shimkhur khanini shimānhaora.”

HAOKAPHOK 38:24

Kachāng kathumsha̱khawui thili “Narihāva̱ Tamar khayorva̱ sāda nao vaihaira” kaji Judahli hānghaowa. Chieina Judahna, “Ali ayarli shimenshoklu, kala mei eina thotthathaolu.” da hānga.

1 THOTRINCHĀN 2:7

Carmiwui naomayarabing: Chonkhamakanwui vang Israelli khanang khangasaka, Achan;

CHĀNSAM 1:19

Sāshāt eina katong samkaphang mi saikorawui apong hithai; akhavāpāwui mirin khuithuimihaowa.

CHĀNSAM 15:27

Makhamashung eina tongkazā khavaiwui vang khangamar mi chi awui shimkhurli khanang ngasaka, kha pheizā kazāli ningkakachai mina ringra.

PĀNGMONSHI 20:14

Mi akhana ngalā khuilaga apreiva̱wui ava̱va̱lila ngakumakha, chi makaphā makhayā otna; nathumwui alungli makaphā makhayā malei khavai, mayaralila, preiva̱, khaninili mei eina thottāra.

PĀNGMONSHI 20:2

“Israelnaobingli hānglu, Israelnao nilala, ngasokharā kha̱mi nilala kachikathāna awui nao Molechli mihaiakha ali shaothatra; ngalei chiwui mibingna ali ngalung eina horthatra.

PĀNGMONSHI 21:9

Kala kachikathā pāngmonwui naongalāva̱na khayorva̱wui otsak sāda makhao ngasakakha avāva̱lila makhao khangasakna, ali mei eina thottāra.

PĀNGMONSHI 24:14

“Khonkashi mi chili rāmrahlungwui eina ayarli khuishoklu, kala kashā mi saikorana akuili pāng rāparranu, kala mi katongana ngalung eina ali horthathaolu.

GALATIANAO 5:12

Nathumli pa̱ngapā khangasakbing chi ahui rimkashokmāng majila athum khalatta akhāla sāchaohaoranu.

KHALATLUI 13:10

Egypt ngaleiwui raopamwui eina thānshokkhame Proho nathumwui Varewui eina nali khuithui khavai kasāwui vang chikathā mi chile nathum ngalung eina horthatphalungra.

KHALATLUI 13:11

Kala chi Israel saikorana shālaga ngacheera, kala nathumwui ngachaili hikathā makhayā ot masālengluimara.”

KHALATLUI 17:5

nathumna chikathā makaphā kasapā kala kasāpava̱ chili ngaveili khuivāda nathumna lunggui eina horthathaolu.

KHALATLUI 21:21

Chithakha keinung chiwui mibing china ali ngalung eina horthathaora; kala nathumwui eina makaphā ot chi sāmathāhaida, Israel katongana theilaga ngacheera.

2 THESSALONICANAO 1:6

Varena phāvaira kaji chi ana sāra, nathumli kachotkachāng khamibingli, ana kachotkachāng mira,

HEBREWNAO 12:15

Varewui lukhamashanwui eina khipākha mangareithui khavai ngasharlu, khipākha kakhā thing kaphor thada chiwui hu eina yaruili makhonzār ngasakalu.

JOSHUA 6:18

Kha nathuma, sākashimānli zangkahai otbing chili mangamaralu, chi maningakha sashiman kahai otbing chi nathumna kakhui tharan Israelwui rāmrahli kashimān shokta rotkhamarāt rāra.

JOSHUA 7:15

Kala sākathān kahai ot kakhuia a chili kala otbing saikora mei eina riktāra, kaja ana Prohowui tuingashit chi chonmakānhaira kala Israelwui alungli ana kakhayak ot sāhaira.”

1 SAMUEL 14:29

Chieina Jonathanna hānga, “Kakhanang saikora hi ishāvāwui einana; ina khuira̱ kateokha khamang eina imik kayākha mathingsanghairakhala?