JOSHUA 7:23 - Kathara Bible (BSI)

²³ Kala athumna otbing chi kachonshimwui eina khuishoklaga Joshua eina Israelwui mibing saikorali khuiungmida Prohowui mangāli pheichithei.

JOSHUA 7:23 Iomraidhean Croise

HAOKAPHOK 31:37

Iwui ot katonga kapeoserhailala nawui shim ot khi samphangkhala? Nawui kala iwui theisābingwui mangāli chitheilu, athumna iniwui ngachaili bichar samiranu.

JOSHUA 7:22

Chieina Joshuana mi chihovai, kala athumna kachonshimli ngasamvai; kala yanglu, awui kachonshimli lupāsā eina mazinglaga ngaleili chuiphumhaisai.

JOSHUA 7:24

Chieina Joshua eina Israel saikorana Zerahwui naomayara Achanli, awui lupāsā, kachon, sinātang, kala awui naomayarabing eina naongalāva̱bing, kala awui seivā, kala gadhā, kala yao, kala awui kachonshim, kala awui khalalei saikora eina ngasoda athumna Achor tampākli khuishanga.