JOSHUA 7:15 - Kathara Bible (BSI)

¹⁵ Kala sākathān kahai ot kakhuia a chili kala otbing saikora mei eina riktāra, kaja ana Prohowui tuingashit chi chonmakānhaira kala Israelwui alungli ana kakhayak ot sāhaira.”

JOSHUA 7:15 Iomraidhean Croise

HAOKAPHOK 34:7

Pao hi kashā eina Jacobwui naomayara ngarāna seihomphungwui eina unga; athum ning thurlakhaowa kala malungvātlakhaowa, kaja Jacobwui naongalāva̱li hikathā kasā hi Israelli kachipatna, hikathā otsak masārānmana.

2 SAMUEL 13:13

Iwui khayākhamala iwui vanga kali phungzatrakhala? Nala, Israelwui alungli makaphā mangma̱meikap kaje akha ngasāhaora. Chiwui vang eina ina kapona, awungali hānglu, nana ili ngakum khavai ana mamimara majilākmara.”

JOSHUA 7:11

Israelna morei sāhaira; ina athumli kaso kahai iwui tuingashit chonmakānhaira; sāshimān kahai ot athumna khuihaira kala leekhuilaga kapikta athumwui otlungli thumhaida lei.

JOSHUA 7:16

Chieina Joshuana ngathorthak thuida, shang-shang eina Israelli khuikharā eina Judah shangli khuihaowa;

WUNGVA̱-WUNGVĀ 20:10

kala ithum Israel shang saikorali shang akhawuili mi tharārā, thingkhawuili shākha, thingtharāwuili thingkha da khuilaga mibingwui vang kashakazā phungrā ngasakra; kala Israelwui alungli Benjaminwui Gibe-ahna ningkakachai mithit kashong kasāwui vang athut hāngsangra.”

WUNGVA̱-WUNGVĀ 20:5

Kala Gibe-ahwui mibingna ngayāshong shim chi rākuinamhailaga ili shaothat khavai sai, kala iwui angashirva̱li rātukkhuilaga makhangatun ot sāda thihaowa.

WUNGVA̱-WUNGVĀ 20:6

Chiwui vang ina asā rimkazamlaga Israelli khalei shimkhur kachida yaokharāna; kaja Israelwui alungli athumna ningkakachai mitun makhangatun ot sāhaira.

1 SAMUEL 26:21

Chieina Saulna hānga, “Ina lāngda sāhaira; inao David, latunglu, kaja ina nali makaphā masāluimara; khikhalajila aja imanglā nawui mikyanli saklak eina khui, yanglu, ina mangkhama̱ otsak sāhaira, kala nguilak eina sāhaira.”