JOSHUA 7:13 - Kathara Bible (BSI)

¹³ Nganingkālu! mibingli thar ngasaklu kala hānglu, akhamawui vāng nathum khalatta tharlu; kaja Israelwui Proho Varena hithāda kahāngna: ‘O Israel, nathumwui alungli sākathān kahai otbing leidalei; nathum alungwui eina otbing chi makhuithuiranglakha eina tangda, nathumwui yangkashebingli nathum mangasungrarmara!’

JOSHUA 7:13 Iomraidhean Croise

HAOKAPHOK 34:27

Kala Jacobwui naomayara ngarāna sāthat kahaitungli vāda keinung chi sakathānmiserhaowa; kaja azarva̱li yansaimihaowa;

2 THOTRINCHĀN 28:10

Chiwuitungli Judahwui kala Jerusalemwui sha̱nao mayarnaoli nathumna mungkhavai kala raonao sāngasak khavai ngaranda lei. Nathumwui Proho Varewui mangāli nathum khalatta morei masālakmala?

MATTHEW 7:5

He, phākakhaninga! Rimeikapta namikli thingngumrikha kazang khayim chi kheishokhaifalu, chiwui thili nachināwui mikli kazang khayim chi kheishokmi khavai mathingrik eina theira.

KHALATLUI 13:6

“Ava̱ akhana kapharā nachināna nilala, nanao mayarana nilala, nanao ngalāva̱na nilala, nawui leikashi preiva̱na nilala, nawui mashitmeikap kaje ngasotnaona nilala, nali athumna ngathumda suida, nathumna, lah navā ngarāna matheikasa khangatei varebingli vākhorumsa da hāngakha,

JOSHUA 3:5

Kala Joshuana mibingli hānga, “Nathum khalatta tharmatheng ngasaklu, kaja akhama Prohona nathumwui alungli matakhak kahai ot sāra.”

JOSHUA 6:18

Kha nathuma, sākashimānli zangkahai otbing chili mangamaralu, chi maningakha sashiman kahai otbing chi nathumna kakhui tharan Israelwui rāmrahli kashimān shokta rotkhamarāt rāra.

JOSHUA 7:11

Israelna morei sāhaira; ina athumli kaso kahai iwui tuingashit chonmakānhaira; sāshimān kahai ot athumna khuihaira kala leekhuilaga kapikta athumwui otlungli thumhaida lei.