JOSHUA 7:12 - Kathara Bible (BSI)

¹² Chiwui vang Israelwui mibing athumwui yangkashebingli mangasungkhararna. Athum yangkashebingwui eina yāmhaowa, kaja athuma shimānkapai otbing kathā ngasāhaira. Nathumwui alungwuili khalei otbing chi masākazamranglakha eina tangda, ina nathumli mangasomiluimara.

JOSHUA 7:12 Iomraidhean Croise

LAA 44:10

Yangkashebingwui eina nana ithumli yāmngasakta; yangkashebingna rāngaponkhui.

LAA 60:10

O Vare, nana ithumli horkahai maningmala? O Vare, nana ithumwui raimili mangasomimana.

CHĀNSAM 28:1

Khipānakha makharomlala makhayā mina yāmzata, kha khangarongbingva kazingkha̱ thāda malung pinga.

ISAIAH 59:2

kha nathumwui khayonkhamāng china Vare eina nathumwui ngachaili ngatei ngasak kahaina, kala nathumwui moreina awui mai nathumwui eina thumhaowa, chiwui vang ana makashāna.

JEREMIAH 23:33

“Kachikathā mi akhana nilala, marān nilala, pāngmon nilala, ‘Prohowui kharit otphun chi khikhala?’ da ngahānakha, nana athumli ‘Otphun chi nana, kala ina nali katathaora da Prohona hānga’ jilu.

JEREMIAH 6:8

O Jerusalem, ningngasharlu, I nawui eina latthuihaipaishina, maningakha ina nathumli masaimihaida ngalei hi ramcho ngasakhaipaishina”.

HOSEA 9:12

Athumna nao pharāsalala ina akhala mashākmila khuithuiserhaora. Ina athumli pākkahai tharan, athum kakhanang ngasāranu!

HABAKKUK 1:13

Makaphā yangkhavaili lāngda mathingkhamei mik, khanguili mayangkatheia, khisāda shitkasang makhaleia mili yangrakhala, kala makaphā makhayāna mashungkhamei mili mayuikatā tharan khisāda kasaikha pamhao?

MISHĀN 14:39

Kala Mosesna tui chi Israelwui mibing saikorali hānga, kala mibingna sifalak eina soso chapngachai.

MISHĀN 14:42

Makālu, nathumwui yangkashibingwui mangāli nathum pitāhaora, kaja Prohona nathumli mangasomimana.

MISHĀN 14:43

Khikhalajila Amaleknaobing kala Canaannaobing nathumwui mangāli lei, nathum athumwuili pitāra; kaja nathumna Proholi kashurwui eina yāmhaira, Prohona nathumli mangasomimara.”

MISHĀN 14:45

Chitharan Amaleknaobing kala Canaannaobing phungreiram chili pamkasābing tārāsai kala athumli yuihaida Hormah eina tangda kharomvāhaowa.

KHALATLUI 7:26

Kala ningkakachai ot nathumwui shimli makhuiungpaimara, kala chithāda khonkashi ngasāpaishina; nathumna ningkachaida katava̱li horhaolu, kaja hi khonkashi otna.”

JOSHUA 6:18

Kha nathuma, sākashimānli zangkahai otbing chili mangamaralu, chi maningakha sashiman kahai otbing chi nathumna kakhui tharan Israelwui rāmrahli kashimān shokta rotkhamarāt rāra.

WUNGVA̱-WUNGVĀ 16:20

kala ana “Samson! Philistinenao rāhaira” da kahāng eina ngakarthuirasai. Kala “Ngathānthangwui thāda ina yāmshokshapa” da hānga. Kha ali Prohona mangasomiluimana kaji a matheisāthuwa.

WUNGVA̱-WUNGVĀ 2:14

Chiwui vang Prohowui malungkhavāt Israelwuitungli rāhaowa, kala ana athumli kuimareida kapambing athumwui yangkashebingwui pāngli horsangmihaowa, chithāda sāda athum yangkashibingli mangasungrarthuwa.

WUNGVA̱-WUNGVĀ 2:4

Prohowui kazingrao china tui saikora hi kahāng shālaga Israelwui mibingna vaoda chapngachai.

1 SAMUEL 14:38

Kala Saulna, “Hili rāserlu, nathum mibingwui kathānabing saikora; yanglu aja morei hi kathāda shokhaokhala kaji theikhuira,” da hokhui.