JOSHUA 6:9 - Kathara Bible (BSI)

⁹ Kala raimibing china talla̱ kakhonga pāngmonbingli rizata, kala talla̱ mangasāmlakla kakhong eina khanukshong khangākabing china okowui thili zata.

JOSHUA 6:9 Iomraidhean Croise

ISAIAH 58:8

“Chithākha nawui kahor ngathor thāda shokra, kala nawui kharai thaklāk eina rāra; nawui khamashung khangarong china namangāli zatra, Prohowui tekhamateina nakhanukli khamayona sāra.”

MISHĀN 10:25

Chiwui thili Dan rāmrahwui philān athishurda tāng chili kapama, rāmrah saikorawui rai ngākkhame Danwui mibingna athumwui philān eina ngasoda zatphokuwa. Kala Ammishaddaiwui naomayara Ahiezerna shang chiwui kathānana.

JOSHUA 6:10

Kha Joshuana mibingli hānga, “Ina nathumli vaolu da makasoranglakha eina tangda, nathum mangavaopaimara lah nathum khamorwui eina akhon akhala mashokpaimara; ina kasothang nathumna ngavaonaora.”

JOSHUA 6:13

Kala yaovāngajiwui talla̱ shini kasinga pāngmon shini china Prohowui oko mangāli rida khongzata kala raimibingna athumwui mangāli zata; kala talla̱ mangasāmlakla khongzat mamānda Prohowui oko khanukli rai khangākabingna zata.

JOSHUA 6:8

Chieina Joshuana athumli kakaso athishurda pāngmon shini china yaovāngajiwui talla̱ shini khuiphungda Prohowui oko mangāli talla̱ khonga kala Prohowui oko khangava̱bing china athumwui thishura.