JOSHUA 6:7 - Kathara Bible (BSI)

⁷ Kala ana mibingli hānga, “Mangāshong zatvālu; keinung kuimareilu, kala raimibingli Prohowui oko mangāli zatngasaklu.”

JOSHUA 6:7 Iomraidhean Croise

JOSHUA 1:14

Nathumwui preiva̱ngarā, nathumwui naongarābing kala sha̱keibing Jordan kānda Mosesna nathumli mikahai ngalei chili pamsāra; kha nathumwui alungli rai kapinga saikora raisāri shaksāda nachināngarāwui mangāli Jordan kānkāra kala athumli ngachonra,

JOSHUA 4:13

Raimi thing hangmati shikha raisāri shaksāda Prohowui mangāli rai sākhavaiwui vāng Jericho tampākli vāhaowa.

JOSHUA 6:3

Nana keinung chili kuimareida nawui raimi saikorali ngasoda thangkhali kuikha khuira. Hithāda tharukthang kuira.

JOSHUA 6:6

Chieina Nunwui naomayara Joshuana pāngmonbingli hokhuida hānga, “Tuingashitwui oko chi ngava̱kālu kala pāngmon shinina yaovāngajiwui talla̱ shini khuiphungda Prohowui oko mangāli zatngasaklu.”

JOSHUA 6:8

Chieina Joshuana athumli kakaso athishurda pāngmon shini china yaovāngajiwui talla̱ shini khuiphungda Prohowui oko mangāli talla̱ khonga kala Prohowui oko khangava̱bing china athumwui thishura.