JOSHUA 6:4 - Kathara Bible (BSI)

⁴ Kala pāngmon shinina yaovāngajiwui talla̱ shini khuiphungda oko chili rizatra, kala kashinethang nathum kala pāngmonbingna talla̱ khonglaga keinung chi shini shida kuira.

JOSHUA 6:4 Iomraidhean Croise

HAOKAPHOK 2:3

Chieina Varena kashinethang chi somida tharngasaka, kaja Varena sākahai saikora kuphaida chithang ngasāmkhui.

1 WUNGNAOBING 18:43

Awui raoli, “Ngayivāk thuingashānyanglu” da hānga. Rao china shokngashānyanglaga hānga, “Khikha matheimana.” Kha ana hangluiya, “Shini shida shokngashānluilu.”

2 WUNGNAOBING 5:10

Elishana paome akhali, “Jordanli shini shida apheohaolu, chithākha naphasāli kazāt makāluimara, tharchaohaora” da ali shokhāng ngasaka.

2 WUNGNAOBING 5:14

Chieina ana Jordanli tāda, Varewui mi china kahāng thāda ngaphum shini shiya, kala awui kazāt tharchaohaida phasā angangnaowui thāda unghaowa.

2 THOTRINCHĀN 13:12

Yanglu, Varena ithumwui mangāli thānmida lei, kala awui pāngmonbingna nathumli rai sākhavai athumwui talla̱ khongkhavai ngarānhaira. O Israelwui naobing; navā ngarāwui Proho Vare chili rai masālu; kaja nathum mayuimara.”

2 THOTRINCHĀN 20:17

Nathumna rai hili ngarar khavai maleimana; nathumwui pam khuida nganingpamlaga nathumwui vang Prohona yuikhami chi yanglu. O Judah eina Jerusalem! Mangachee kala mangangalu; akhama athumli vāngararlu, kala Prohona nathumli ngasomira.”

2 THOTRINCHĀN 20:19

Kala Levinaobing, chiya Kohath eina Corahshina thuinganingda Israelwui Proho Vareli panglāk eina vaoda masot chigata.

2 THOTRINCHĀN 20:21

Mibingli ana hāngchithei kahai thili, kathar sāri ngavaida laasak eina Proholi masot mikhavai ana mi phāsanglaga athumna raimi mangāli zatmamānda hānga. “Proholi ningkashi milu! kaja awui makhangachei leikashi katang mavaimana!”

JOBWUI LAIRIK 42:8

Chiwui vang eina mukkā shini, yaovā shini khuilaga iwui rao Jobwuili nathum khalattawui vang rikkatāchigat chigatlu; kala iwui rao Jobna nathumwui vang seihā sāmira, kaja nathumwui mangma̱sak athishurda nathumli masā khavai awui seihā kasā ina khuisangmira; kaja iwui rao Jobna kasā thāda iwui pongli nathumna khamashung chi mamatuimana.”

ISAIAH 27:13

Kala chithanghon talla̱khon panglāk kahai akha khongra; kala Assyria ngalei shimān kahaibing kala Egyptwui eina kasham kahaibingna rāda Jerusalemwui kathara kaphungli Proholi rākhorumra.

PĀNGMONSHI 14:16

kala yāpāng eina uishongwui thao chumkhuida Prohowui mangāli apāng mareng eina shini shida yikrorra.

PĀNGMONSHI 4:6

kala ashee chili pāngmareng eina chumkhuilaga katharapam chiwui mairār mangāli Proholi shini shida kasirrorra.

ZECHARIAH 4:2

Kala ana “Nana khi theikhala?” da ili ngahāna. Ina hānga, “Ina thaomeishong sinā kachanga eina kasā akha thei, chiwui atungli khongsai akha lei, kala chiwui atungli akhamor shini kakā thaomei shini khalei chi thei.

ZECHARIAH 4:6

Chiwui thili ana ili hānga, “Hi Prohona Zerubbabelli kahāng tuina: yāng einala maningma, pangshap einala maningmana, kha iwui Manglā eina kasāna, da saikorawui Prohona hānga.

MISHĀN 23:1

Kala Balaamna Balakli hānga, “Hili iwui vang hanphut shini sālu, kala mukkā shini, yaovā shinida ngarānmilu.”

JOSHUA 6:13

Kala yaovāngajiwui talla̱ shini kasinga pāngmon shini china Prohowui oko mangāli rida khongzata kala raimibingna athumwui mangāli zata; kala talla̱ mangasāmlakla khongzat mamānda Prohowui oko khanukli rai khangākabingna zata.

JOSHUA 6:3

Nana keinung chili kuimareida nawui raimi saikorali ngasoda thangkhali kuikha khuira. Hithāda tharukthang kuira.

JOSHUA 6:5

Kala athumna yaovāngajiwui talla̱ kasāngkha kakhong tharan, nathum talla̱khon chi shākhaleoda, mi saikora panglāk eina vaora; chieina keinungwui ngavei chi ja̱khuptahaora, kala mi kachiva̱na angatar eina muivāra.”

PHONGKHAMI 1:20

Iwui yāpāngli nana sirā shini kathei, kala sināwui thaomeishong shini chiwui khangathum kakhalat chi hina; sirā shini chi church shiniwui kazingraobingna, kala thaomei shini chi Church shini china.

PHONGKHAMI 1:4

Asiali khalei Church shinili Johnna kagapina: Aruila, achāla, kala naodala chiching kaje, kala wungpamkhong mangāli khalei Manglā shini chiwui eina,

PHONGKHAMI 10:3

Chiwui thili kazingkha̱ kakhangang thada panglāk eina vaowa; ana khavao eina kazing khangashum shini china matuishoka.

PHONGKHAMI 15:1

Chiwui thili ina kazingramli hakhamahā matakhak kahai khudam akha thei: kazingrao shinina unshimui shini khuiphunga, hina naomeikap kajena. Khikhalajila hina Varewui malungkhavāt akatanga ngasāra.

PHONGKHAMI 15:7

Chiwui thili sāyur matiwui ngachaili akhana kazingrao shini chili mashimānda makashimān kharinga Varewui malungkhavātwui sinā tengkot shini chi mi.

PHONGKHAMI 16:1

Kathara shim chiwui eina akhon panglāk eina kazingrao shini chili kahāng ina shai, “Varewui malungkhavātwui tengkot shini chi okathuili aheitālu.”

PHONGKHAMI 5:1

Chiwui thili, wungpamkhongli kapama chiwui yāpāngli alungla ayarla ngaworthang kapilaga mahor shini namkahai lairik akha ina thei.

PHONGKHAMI 5:6

Chiwui thili ina kharinga sāyur mati kala ararbingna kuikhanam wungpamkhongwui alungthungli Yaonao akha khanganing thei, taithat kahai thai, angachee shini, amik shini kai. Amik shini chi Varewui manglā shini okathui achikun-achikaili chiho kahai china;

PHONGKHAMI 8:2

Chiwui thili Varewui mangāli kazingrao shini khanganing chi ina thei, kala athumli talla̱ shini mihaowa.

PHONGKHAMI 8:6

Chiwui thili talla̱ shini kasinga kazingrao shini china talla̱ khongkhavai khangarān sāhaowa.