JOSHUA 6:27 - Kathara Bible (BSI)

²⁷ Hithāda Prohona Joshuali ngasomi; chieina ngalei katongali awui ming zatlakhaowa.

JOSHUA 6:27 Iomraidhean Croise

HAOKAPHOK 39:21

Kha Prohona Josephli ngasomida makhangachei leikashi chitheimi, kala phātop kashina akhavā chili Josephli ngahānngai ngasaka.

2 SAMUEL 7:9

kala ina nawui kazatpam kachida ngasomi, nawui yangkashibinglila ina yuimi; kala okathuili ngammeikap kajebing thāda ina nawui aming reimeikap ngasakra,

1 THOTRINCHĀN 14:17

Davidwui mingkhamayāng ngalei saikorali vāshunga, kala Prohona yur saikorawui ningli ngachee khavai sangmi.

ESTHER 9:4

Kaja awungawui shimkhurli Mordecai hakmahālak kahai sathuihaowa, kala ngalei saikora vāpeida awui mingkhamayāng ngayaovāhaowa; kaja Mordecai kaho mipawui pangshap reikhangai reisanghaowa.

MATTHEW 14:1

Atam chitharan khamunga Herodna Jishuwui mingzat chi shai;

MATTHEW 18:20

Khikhalajila iwui mingli khani lah kathum kazipakha, athumwui chili I zangda lei.”

MATTHEW 28:20

kala ina nathumli kaso kahai saikora chi mayon khavai athumli tamchitheilu, kala mithot khangachang eina tangda ina nathumli ngasomichingra.”

MATTHEW 4:24

Chithada sāda Syria ngalei saikorali awui mingzat chi ngayaovāserhaowa. Chieina athumna kazātyur ayāyāva̱ eina kakazā kala kazāda chotchāng kahai mibing, kameo kazangbing, zingmeirai kakazābing kala sheikasha̱bing awuili khuirai kala ana raimisera.

2 CORINTHNAO 13:14

Proho Jishu Khristawui lukhamashan, Varewui leikashi kala Manglā Katharawui ngasokhami chi nathum saikorawuitungli leimichingranu.

KHALATLUI 31:6

Pingmeida malung zangmeilu, athumli mangacheealu lah ningla machipālu, kaja Proho nathumwui Varena nathumli ngasomida lei; ana nathumli masākhami maleimara lah horkahaila masālakmara.”

2 TIMOTHY 4:17

Kha Prohona nganingmi kala ili pangshapla mi. Chieina Gentilebing saikorana nganāsang khavai paokaphā chi ina hāshokshaphaowa; a kala ili shaothat khavai khak tāki kaji chiwui eina kanshokmi.

2 TIMOTHY 4:22

Prohona nawui manglāli ngasomiranu. Varewui lukhamashan nathum saikorali ngasomiranu.

JOSHUA 1:5

Nawui mirin peida nawui mangāli khipānakha mangasungrarmara; ina Mosesli ngasokhami thāda nalila ngasomira; chieina ina nali machihomara kala mahorhaimara.

JOSHUA 1:9

Pingmeida malung zangmeilu, da ina nali makasomala? Mangacheealu, kakhanangla makhanangalu, kaja nawui Proho Varena nawui kazatzatpamli ngasomira.”

JOSHUA 9:1

Jordan kānda khalei kaphungram Lebanonshong Great Sea shangshungda kala khanem tampākli khalei Hit, Amor, Canaan, Periz, Hiv kala Jebuswui awungabingna shokta khalei otshot hi kashā eina,

JOSHUA 9:3

Kha Gibeonli kapambingna, Joshuana Jericho eina Aili kathāda yuihaokhala kaji shālaga,

JOSHUA 9:9

Athumna ali ngahānkai, “Naraobing katāva̱wui eina kharāna; khikhalajila nawui Proho Varewui ming chiwui vang kharāna, kaja Egyptli ana kasā kala awui chānpao ithumna shāhaira,

WUNGVA̱-WUNGVĀ 1:19

Kala Prohona Judahli ngasomida ana kaphungram saikora vākhuisera, kha ana tampākli khaleibing, mariwui siguigari khangavāwui vang, athumli makashamrarthuwa.

1 SAMUEL 18:14

Kala Prohona ali ngasomihaoda; Davidna awui kasāsāli athei khamathei samphanga.

1 SAMUEL 2:30

Chiwui vang Israelwui Vare Prohona hangdalei: Nawui shimkhur kala navāwui shimkhurna iwui mangāli katang mavaila kashok-kazang yangmichingra da ina ngashithairasai; kha ara Prohona hānghaira: Chi iwui eina katāva̱li leiranu; kaja ili khayākashi mili inala maiyā ngasakra; ili khayākashi mi chili inala khayā shira, ili ningkakachaiya saikorali ina khonshira.