JOSHUA 6:23 - Kathara Bible (BSI)

²³ Chieina ara̱yang khavai khavā yaronao khani china Rahab, avāva̱ eina ava̱va̱, chinaongarā kala awui shimkhurbing mi saikorali akhuishoka. Awui theisā saikorali khuishokta Israelwui rāmrah ayarli haihai.

JOSHUA 6:23 Iomraidhean Croise

HAOKAPHOK 12:2

Kala ina nali kahaka yur akha sāngasakta nali sokhamila somira, nawui ming reingasakta, somi kahaia mi akha sāngasakra.

HAOKAPHOK 18:24

Chānjam sāda keinung chiwui alungli kathara mi hangphangā leisasi kaja, athum kathara hangphangā chiwui vang keinung chi mayangmila shimān ngasakrala?

HAOKAPHOK 19:29

Chithāda Lotna somkasa tampāk chiwui keinungbing chi shimān khangasak chitharān Varena Abrahamli phaningungmida Lotli keinung chiwui eina shokngasakhaowa.

MISHĀN 31:19

Rāmrahwui ayarli shinithang rāmrah vāsāpamlu; nathum kachikathāna mi sāthat kahai, kala kathingun saza̱ kahai leiakha nathum kala tukkhaungbing kakathumathang kala kashinethang tharngasakra.

OTSAK 10:28

Ana athumli hānga, “Jihudi akhana Gentile akhawui shimli khavā lah khangaso hi masākapai otna kaji nathumna thei. Kha mi khipālikha matharmana lah khamakhaoana da makhuipaimana kaji hi ili Varena chitheimihaira.

OTSAK 27:24

hānga, ‘Paul, mangacheealu! Nana Caesarwui mangāli nganingphalungra kala yanglu, nali tongkhangaruma saikora Varena nali mihaira.’

1 CORINTHNAO 5:12

Khikhalajila ayarli khaleibingli ina bichar sākhavai maleimana; Varena bichar sāra. Kha churchwui alungli khaleibingli nathumna bichar masāngayimalā?

EPHESIANAO 2:12

Chitharan nathum Khristawui eina ngateida leisai. Nathum kha̱minao sāhaoda Varewui miyurli ngashitmi kahai chili mazangsāmana. Nathum Varena awui miyurli ngashitmi kahai chili pheisinda tuingashit sākahai chili mazangsāmana kala okathui hili nathum kachihān maleila kala, Vare mazangla okthuisai.

HEBREWNAO 11:31

Shitkasang mangā eina khayorva̱ Rahabna Vareli ngakai kashebingli ngasoda kathili mazangmana, kaja ana rairui kazata khanili zunkhui ngasaka.

HEBREWNAO 11:7

Mik eina matheikharar naoda shokki kaji Varena hāngkhamathin tharan Noahna nganākasang chi shitkasang mangā einana. Varewui kahāng nganāda ashi shimkhurli huikakhuiya marikhong chi sākhui. Chiwui atheiva, okathuili khayon mihailaga shitkasang mangā eina kharā khamashung khangarong chi ana Varewui eina samphanga.

JOSHUA 2:13

kala ishāvā, ishāva̱, ipāngarā, igatuiva̱ngarā kala athumwui shimkhur saikorali ringngasakta ithumli kathiwui eina kanshokmilu.”

JOSHUA 2:16

Kala ana anili hānga, “Kaphungli kaulu maningkha kakharomabing chi samphangpaishina kala athum malatungranglakha eina tangda zimiksho kathumthang chili ngathumpamlu; chiwui thili nathumwui shong unghaolu.”

JOSHUA 2:18

Yanglu, ithumna ngalei hili kharā tharan hungping kahai khara̱ hi inili chihotā khavai charfa chili khalaphaiphalungra; kala nawui shimli nashava̱ nashāvā, napāngarā kala nashi shimkhurwui mi saikora hokhuida kazipsāphalungra;

WUNGVA̱-WUNGVĀ 1:25

Chieina ana keinung zangkhavai shongfa chi athumli chitheimi; kala athumna keinung chi zangkai, kha mi chieina awui shimkhurli chihohaowa.