JOSHUA 6:22 - Kathara Bible (BSI)

²² Chieina ra̱yang khavai kachiho mi khani chili Joshuana hānga, “Khayorva̱ chiwui shimli vālu, kala chiwui eina khayorva̱, kala awui shimkhurbing, nanina ngashit kahai athishurda akhuishoklu.”

JOSHUA 6:22 Iomraidhean Croise

2 SAMUEL 21:2

Chieina awungana Gibeonnaobingli hokhui. Gibeonnaobing hi Israelwui mibing maningmana, kha Ammonnaobingwui shāk kahaina; Israelwui mibingna athumli masāthatmara da ngashithaisai, kha Saulna Israel eina Judahwui vang malungchāngda shaothat kahaina.

2 SAMUEL 21:7

Kha David eina Jonathanna ngashit ngarok kahai khaleiwui vang, Saulwui ara̱ kaja Jonathanwui nao Mephiboshethle athumwui pāngli mahorsangmimana.

LAA 15:4

awui mikyanli makaphāli ningkakachaiya, kha Proholi khangacheebingli khayākashe; kakhanang kayākha rālala ngashit kahai chieina makhangacheia;

EZEKIEL 17:13

Kala ana wungnao akhali khuida tuingashit sālaga shākhi sāngasaka. (Ana ngalei chiwui akhoka mibingli tukthuihaowa,

EZEKIEL 17:16

“Kachangkhat eina ina kahāngna, da Proho VAREna hānga, kachangkhat eina awunga sākhangasaka awunga awuipamli kapama, awui khangashitli ningkakachaia, ali ngarumda sākahai tuingashit sakakhaia chi, a Babylonli thira.

HEBREWNAO 11:31

Shitkasang mangā eina khayorva̱ Rahabna Vareli ngakai kashebingli ngasoda kathili mazangmana, kaja ana rairui kazata khanili zunkhui ngasaka.

JOSHUA 6:17

Keinung kala chiwui alungli ot khalei saikora sakazam khavaiwui vang Prohowui mingli chigathaora; khayorva̱ Rahab eina awui shimli leikasā mibingmang khākmara, kaja ithumna kachiho mi khanili ana thumiya.

JOSHUA 6:23

Chieina ara̱yang khavai khavā yaronao khani china Rahab, avāva̱ eina ava̱va̱, chinaongarā kala awui shimkhurbing mi saikorali akhuishoka. Awui theisā saikorali khuishokta Israelwui rāmrah ayarli haihai.

JOSHUA 9:15

Chiwui vang eina Joshuana athumli masāthat khavai chingri kahai tuingashit akha sai kala yarui ashangva̱wui kathāna saikorana shākhi mi.

WUNGVA̱-WUNGVĀ 1:25

Chieina ana keinung zangkhavai shongfa chi athumli chitheimi; kala athumna keinung chi zangkai, kha mi chieina awui shimkhurli chihohaowa.