JOSHUA 6:21 - Kathara Bible (BSI)

²¹ Chiwui thili athumna keinungli khalei saikora, sha̱nao mayarnao, khararnaosan, sei, yao kala gadhā mateila saikora raighai eina sāthatserhaowa.

JOSHUA 6:21 Iomraidhean Croise

1 WUNGNAOBING 20:42

Marān china hānga, “Prohona kahāngna, ‘Sāthat khavai ina mikahai mi nawui pāng eina nana chiho kahai chiwui vang, awui vang na thira, kala awui mibingwui vang nawui mi thira.’”

JEREMIAH 48:18

Nawui tekhamateipamwui eina, kathenga ngaleili zangpamlu, O Dibonwui mibing! Kaja Moabli sākakhayānga chi nali ngasungkida rāhaira; ana nawui khangazip raipan sākhaimiserhaira.

KHALATLUI 13:16

Nathumna chiwui thongthāngbing saikora kayāng khamaseli kazipkhuida, kala chiwui ot saikora Proho nathumwui Vareli rikkatā kachigat sāda keinung chi mei sa̱talu, khanao eina tangda chuita kahai chi leichingda chi naoda masākāluimara.

KHALATLUI 2:34

Chitharan ithumna awui keinungbing saikora yuikhuida peichaoda sākhayāngmiserhaowa; sha̱nao, mayarnao, naoshinao akha nida mataimilakmana;

KHALATLUI 7:16

Kala Proho nathumwui Varena nathumwui pāngli horsangkhami yur saikora sāthatserphalungra; athumli yanglaga malumashanpaimara; athumwui varebinglila otram mangatha̱paimara, kaja china nathumwui khalen ngasāra.

JOSHUA 10:28

Kala Joshuana Makkedah khuithang ngalei chiwui awunga kala mi saikora raighai eina sāthatserhaida khipākha machakshoklakmana. Jerichowui awungali kasā thāda Makkedahwui awungalila chithāda yuikhui.

JOSHUA 10:39

kala ana chiwui awungabing kala chiwui keinungbing khuiserhaida chiwui mi saikora sāthatserhaowa; kala mi akhala mataishokmana; ana Hebron eina Libnah kala awungali kasā thāda Debir eina chiwui awungalila sai.

JOSHUA 11:11

Kala athumna chili kapambing saikora raighai eina sāthatserhaowa, kharingyur akhala mataila sāthatserhaowa, kala ana Hazor mei sa̱tāmihaowa.

JOSHUA 11:14

Kala keinung chiwui thongthāng kala sha̱kei saikora Israelwui mibingna ngaponkhui, kha mi saikora athumna raighai eina sāthatserhaowa; kala kharingyur akhala mataimimana.

JOSHUA 8:2

kala nathumna Jericholi kala chiwui awungali kasā thāda nana Ai kala chiwui awungalila sāmira; athumwui lan eina sha̱keimang nathumna ngapaikhuira; keinung chiwui zingtunshong ngathirai sālu.”

JOSHUA 8:22

Kala kaikhana keinungvāk eina rai kala khangatei kaikhana chivāk rāda Israelna athumli kuinamhaowa, kala Israelna athumli mayāmshok ngasaklakla shaothatserhaowa.

JOSHUA 9:3

Kha Gibeonli kapambingna, Joshuana Jericho eina Aili kathāda yuihaokhala kaji shālaga,

PHONGKHAMI 18:21

Chiwui thili pangshap khalei kazingrao akhana chakringalung thada lungpha kahakva akha khuilaga shamasruli horsangda hānga, “Hithada khareia keinung Babylonla hortāhaora, kala maleiluimara;

1 SAMUEL 15:3

Ara vāda Amalekli vāsāthathaolu; athumwui khalei saikora, sha̱nao, mayarnao, naoshinao kala ana̱ khamangbing mateila, sei, kala yao, ut, kala gadhāla akhanida mashākla sashimānmiserhaolu.”

1 SAMUEL 15:8

Kala ana Amaleknaobingwui awunga Agagli kharing eina tukkhui, kala mi saikorali raighai eina sāthatserhaowa.