JOSHUA 6:10 - Kathara Bible (BSI)

¹⁰ Kha Joshuana mibingli hānga, “Ina nathumli vaolu da makasoranglakha eina tangda, nathum mangavaopaimara lah nathum khamorwui eina akhon akhala mashokpaimara; ina kasothang nathumna ngavaonaora.”

JOSHUA 6:10 Iomraidhean Croise

ISAIAH 28:16

Chiwui vang eina Proho VAREna hithāda hānga: “Yanglu, Zionwui shimphungali akhoka sākhavai mayarkazak kahai, khamakanga kala makhangatha̱a lunggui shunhaira. ‘Shitkasang khangatarbing ningnganungkhunghai.’

ISAIAH 42:2

Ana mavaomara lah akhonla majuimara. lah shongfali shākhavai masāmara;

MATTHEW 12:19

Ana mangayātzatmara lah mavaozatmara, kala chānreili awui akhon khipānakha mashāmara;

LUKE 24:49

Kala yanglu, ina iwui Avāwui ngashit kahai chi nathumli shirātra, kha atungshongwui eina nathumli pangshap chi mamiranglakha keinung hili honpamsālu.”

OTSAK 1:7

Jishuna hānga, “Atam angarit chi Avāna a khalattawui sāshap eina retkahaina, chi nathumna theikapai maningmana.

JOSHUA 6:11

Chieina ana oko chi ngava̱ ngasakta keinung chi akha shida kuingasaka kala athumna rāmrahli latungda chithang ngayā rāmrahli ungpisanga.

JOSHUA 6:9

Kala raimibing china talla̱ kakhonga pāngmonbingli rizata, kala talla̱ mangasāmlakla kakhong eina khanukshong khangākabing china okowui thili zata.