JOSHUA 6:1 - Kathara Bible (BSI)

¹ Chitharan Israelwui mibingli ngacheehaida Jericho ngavei phākho ayarshongwui eina kala alungshongwui eina shungtithaowa; khipākhala kashok-kazang maleimana.

JOSHUA 6:1 Iomraidhean Croise

2 SAMUEL 10:5

Hi Davidli kahāng eina, ana athumli angarokkhui khavai mi chihovai, kaja athum khayaklākhaowa. Awungana angarok ngasakta hānga, “Nathumwui morhā mashokranglakha eina tangda Jericholi pamsālu, chiwui thili hanunglu.”

2 WUNGNAOBING 17:4

Kha Hosheana yankasai chi Assyriawui awungana theihaowa, kaja Egyptwui awunga Soli khangathum paome chihovāda Assyriawui awungali kumkachidawui shai mamithuwa. Chiwui vang Assyriawui awungana ali tukkhuida phātop sanghaowa.

2 WUNGNAOBING 2:4

Elijahna ali hānga, “Elisha, na hili pamsālu; kaja ili Prohona Jericholi tāshunglu jihaira.” Kha ana hānga, “Prohowui ming singda kahāngna nanala katheina, I nali kachilikha mahorhailakmara.” Chieina anina Jericholi vai.

LAA 127:1

Prohona shim chi masāmiakha, shim kasābing chiwui ngalang aremana. Prohona keinung chi mamayonmiakha, keinung khamayona china mayonthailala aremana.

JOSHUA 16:7

Jan-oahwui eina tashumda Ataroth, chiwui eina Naarah vālaga Jericho aza̱khuida Jordanli tātanga.

JOSHUA 18:21

Chitharan Benjamin shangli shimkhurwui athishurda yarkahai keinungbing chiya Jericho, Beth-arabah, Emek-keziz,

JOSHUA 2:1

Nunwui naomayara Joshuana ngathumda Shittimwui eina vāra̱yang khavai mi khani chihoda hānga, “Ngalei chi, matailak eina Jericho chi ayangkhuilu.” Chieina anina vāda Rahab kaho khayorva̱wui shimli vāzanga, kala chili ngasāmkhui.

JOSHUA 2:24

“Kachangkhat Prohona ngalei saikora chi ithumwui pāngli sangmihaira; kala chili lāngda chili kapāna mibing saikora ithumwui pongli shāda ngacheelak eina leili.”

JOSHUA 2:7

Chieina mibing china athumli Jordanvāk kharomvāda kongphei eina tangda vāshunga; kala kakharomabing china thuikhaleoda, ngavei shunghaowa.

JOSHUA 5:15

Kala Prohowui raimi akhava china Joshuali hānga, “Napheiwui eina pheihop khuishokhaolu; kaja nana khanganing apam chi katharana.” Kala Joshuana chithāda sai.

JOSHUA 6:2

Chieina Prohona Joshuali hānga, “Yanglu, ina Jericho kala chiwui awunga kala rai kapingabing eina ngasoda napāngli sangmihaira.