JOSHUA 5:7 - Kathara Bible (BSI)

⁷ Ana athumwui mahut anaongarā shokngasaka, chieina athumwui naongarābingli Joshuana ahui rimshokhamina; kaja athumna shongfali zatlakha marimshokrangkasāwui vāng marimkashokla zangkasāna.

JOSHUA 5:7 Iomraidhean Croise

HAOKAPHOK 34:14

Athumna anili hānga, “Ahui marimkashokbingli ithumwui azarva khami hi masākapai otna, kaja hi ithum maishi khavaina.

MISHĀN 14:31

Kha nathumwui ara̱-azā, nathumna sāshai ngasāhaora da kahānga, naongarābing ina khuizangda nathumna horkahai ngalei chi athumna theira.

KHALATLUI 1:39

Chili lāngda nathumna sāshai ngasāhaora da kaphaninga nathumwui naongarābing, kala aja kashi-kaphā matheirang kaje athumna chili zangra, kala ina athumli chi mida athumwui ngasāra.

JOSHUA 5:6

Kaja Egyptwui eina kashoka mibing, raimi saikora mathingakanranglakha eina tangda Israelwui mibing kum hangmati lamhānglungli zata; khikhalajila athumna Prohowui tui makhuisangmana; athumli seina̱ eina khuira̱ khalonga ngalei mirada avāva̱ ngarāli Prohona ngashithaikasā chi athumli mathei ngasakmara da Prohona ngashithaowa.

JOSHUA 5:8

Mi saikorawui ahui rimshok kahaiwui thili, athumwui khamā marairanglakha eina tangda athumna pamkasā rāmrah chili ngasāma.