JOSHUA 5:6 - Kathara Bible (BSI)

⁶ Kaja Egyptwui eina kashoka mibing, raimi saikora mathingakanranglakha eina tangda Israelwui mibing kum hangmati lamhānglungli zata; khikhalajila athumna Prohowui tui makhuisangmana; athumli seina̱ eina khuira̱ khalonga ngalei mirada avāva̱ ngarāli Prohona ngashithaikasā chi athumli mathei ngasakmara da Prohona ngashithaowa.

JOSHUA 5:6 Iomraidhean Croise

LAA 107:4

Kaikhana siwuk khamasaili zata, keinungli pamkhavai apong masamphangthuda;

SHONGZĀ 3:17

kala ina khangashitna, Egypt ngaleili kakhanang kachotwui eina thānshokta Canaannaobing, Hitnaobing, Amor, Periznaobing, Hivnaobing, kala Jebusnaobingwui ngalei seina̱ eina khuira̱ khalong chili thānvāra.

SHONGZĀ 3:8

Chieina athumli Egyptnaobingwui eina kanshok khavai, kala chiwui eina thānshokta seina̱ eina khuira̱ khalonga khamathā kala khamashā apam Canaannao, Hitnao, Amornao, Periznaobing, Hivnaobing, kala Jebusnaobingwui ngaleili thānvā khavai I katāna.

JEREMIAH 2:2

“Vāda Jerusalem katongana shākhavai vaomalānlu da Prohona hānga, ina phaningunga, mayar-ngalā sālakha nawui ningkasang, mākkhām kahaiva kathawui leikashi, khikha mayaokasang ngalei, lamhāngli nathumna ili kathāda shurzatsakhala kaji chi.

EZEKIEL 20:15

Chili lāngdai ina athumli lamhāngli tuingashit sai kaja ina athumli mikahai khuira̱ eina seina̱ khalong tekmateimeikap kaji ngaleili mathānsangmara da ina ngashita,

EZEKIEL 20:6

Ina athumli tuingashit sāthang, Egypt ngaleiwui eina thānshokmida athumwui vang ina phāshok kahai, khuira̱ eina seina̱ khalong ngalei saikorali tekmateimeikap kaja lam mira da ina ngashit kahaina.

JOEL 3:18

“Kala chithang chi phungreibingna kashima drakhāra̱ ngayara, phungreibing china seina̱ longra; kala Judahwui kongrānao saikora tara̱ longra; Prohowui shimwui eina ura̱ okra kala Shittimwui tampākli tara̱ chaimira.

MISHĀN 14:23

avāva̱ ngarāli ina ngashit kahai ngalei chi matheimara; kala ili ningkakachaibingna ngalei chi kathei masamphangmara.

MISHĀN 26:63

Hi Moses eina pāngmon Eleazarna Jerichowui Jordan ngalemli khalei Moab tampākpheili Israelwui mibing shānkakhuina.

KHALATLUI 1:3

Kala kum hangmati, kachāng tharāda akhawui kharethang Prohona khami ningkhami chiwui athishurda Mosesna Israel mibingli hānga.

KHALATLUI 2:14

Thot chiwui rai kasābing Prohona ngashit kahai thāda athum mathingakānranglakha eina tangda ithumna Kadesh-barneawui eina zatphokta Zered kong kakān kum thumrāda chishatna.

KHALATLUI 2:7

Khikhalajila nathumwui kasāsā saikorali nathumwui Proho Varena nathumli somihaira; nathumna khamashā lamhāngli kasāngkha kazatla ana thei; kum hangmati hili Proho nathumwui Varena ngasomida nathum khikha mavātlakmana.’

KHALATLUI 8:4

Kum hangmati zatlaga nathum pheila khamahing maleimana, nathumwui kashankachonla kakāk mavaimana.

HEBREWNAO 3:11

Lungvāt eina ina khangashit sai; ‘Iwui ngasāmkakhui chili nathum khipākha mazanglakmara!’”

JOSHUA 1:6

Pingmeida malung zangmeilu; kaja mibing hili mirada avāva̱ ngarāli ina ngashit kahai ngalei chi akhui khavai nana mibingli thānzangra.

JOSHUA 24:7

Kala athumna Proholi khangakao eina, ana athum eina Egyptnaobingwui ngachaili ngamiting ngasakhaowa, kala tara̱na athumli ngaphumthathaowa; kala ina Egypt mibingli khi sākhala kaji nathum mik eina thei; kala nathum lamhāngli atam kasāngkha pama.

JOSHUA 5:5

Egyptwui eina kashoka mi saikora ahui rimshokhaisa-ilala, shok kahaiwui thili shongfa lamhānglungli kapharā mi saikora ahui marimshokrangsai.

JOSHUA 5:7

Ana athumwui mahut anaongarā shokngasaka, chieina athumwui naongarābingli Joshuana ahui rimshokhamina; kaja athumna shongfali zatlakha marimshokrangkasāwui vāng marimkashokla zangkasāna.