JOSHUA 5:14 - Kathara Bible (BSI)

¹⁴ Chieina ana hānga, “Maningmana; kha I Prohowui raimi akhavā sāda kharāna.” Chieina Joshuana ngakhumshāmhaida khoruma kala ali hānga, “Ameina naraoli khi sālu jikhala?”

JOSHUA 5:14 Iomraidhean Croise

HAOKAPHOK 17:17

Chieina Abrahamna ngakhumzangda mana̱da akhalatta hānga, “Kum shākha kāshung kahai mi akhana nao pharārala? Kum hangchiko kāshung kahaiva̱ Sarahna nao leirala?”

HAOKAPHOK 17:3

Chieina Abramna ngaleili ngakhumzanga, kala Varena ali hānga,

2 SAMUEL 7:19

Kala O Proho, Vare nawui mangāli hi kateowa ot akhana jilala, iwui wungram katang mavaimara da hāngmihaira!

2 SAMUEL 7:20

Kala Davidna hili lāngda nali khi hāngluirakhala? Kaja O Proho Vare, naraoli nana katheina!

LAA 110:1

Prohona iwui ameili hānga: “Nawui yangkasheli nawui pheinai masāranglakha eina tangda, iwui yāshong pamlu.”

LAA 24:10

Tekkhamateiwui awunga chi khipākhala? Ashangva̱wui Prohona, a tekhamateiwui awungana.

SHONGZĀ 4:10

Kha Mosesna Proholi hānga, “O iwui Proho, iya tuila mamatuitheimana, kharelila kala arui eina tangdala naraoli rākahāng atam hieina tangdala; iva tuimatuila mathākmana chukhamajala huilaka.”

SHONGZĀ 4:13

Kha ana hānga, “O iwui Proho, lumashanmida mi khangatei akhali kachihovāhaolu.”

ISAIAH 55:4

Yanglu, ali ina mibingbingwui vang shākhi akha ngasā ngasaka, mibingwui vang kathāna kala akhoka akha sāngasaka.

ISAIAH 6:8

Kala Prohona hithāda kahāngkhon chi ina shai, “Ina khipāli ina chihorakhala, kala khipāna ithumwui vang vārakhala?” Chieina ina hānga, “I hili leili! Ili chihomilu.”

EZEKIEL 3:23

Chieina ina ngakarthuida tampākshong vai, kala yanglu, Chebar kongpheili ina tekhamatei kathei chi tākam eina Prohowui tekhamatei chi theida ngakhumshāmzanghaowa.

DANIEL 10:13

Persia wungramwui wungnaona ili maga̱da akhathangwui vang nganingphinmihaowa, kha wungnaobingwui khareia Michaelna ili rāngachonmida, Persia wungramwui wungnaoli ngasoda chili nothāhaida kharāna.

DANIEL 10:21

Kha khamashunga lairikli khi kapisanghailikhala kaji ina nali hāngra: nawui wungnao Michael maningla, ili khangashika wungnaobing khipākha maleimana.”

DANIEL 12:1

“Atam chitharan nawui mibingli yangkhame khareia wungnao Michael rārāsāra. Kala kachotkachāng atam rāra, yur leikaphok eina thuida atam chi eina tangda, chikathā mashoklakranga. Kha lairikli aming kazanga nawui mibing kachivali kanmira:

DANIEL 8:11

Akhalatta pangshap chithei, ashangva̱wui Wungnao eina tangdalila kāshunga, kala machatlakla rikkatā kachigat chila awui eina khuithuihaowa, kala katharapam chila ana sāshimānmihaowa.

PĀNGMONSHI 9:24

Kala Prohowui eina mei tāda rikkatā kachigat kala athao chi hanphuttungli chuitamihaowa; chi mibing saikorana kathei eina vaoda athumwui kui mashunzanga.

MISHĀN 16:22

Anina mai mashunzangda hānga, “O Vare, manglākapai saikorawui Vare, mi akhana morei kasāwui vang yarui ashangva̱li malungvātrala?”

MISHĀN 16:45

“Yarui ashangva̱ hiwui eina yāmulu, hunkhawui lungli ina athumli shimān ngasakhaora.” Kala anina mai mashunzanghaowa.

MISHĀN 22:31

Chieina Prohona Balaamwui mik rakngasakta raighai sutshoklaga shongfali khanganinga Prohowui kazingrao chili theihaowa; chi kathei eina ana kui mashunzangda ngakhumshāma.

MATTHEW 22:44

‘Prohona iwui Proholi hānga: iwui yāshong pamlu; yangkashebingli nawui pheinai masā ngasakranglakha eina tangda’ da hānghaokhala?

MATTHEW 8:2

Kala yanglu, phārrei kakazā mi akha rāda awui mangāli khuktizangda hānga, “Proho, nana tharmiga jiakha ili tharmishapa.”

LUKE 1:43

Khiwui vang eina ili hiyākha ka̱lā mahai ngasakta iwui Prohowui ava̱va̱ iwuili kharākhala?

LUKE 20:42

Kaja David khalattana Laa lairikli hānga: ‘Prohona iwui Proholi hānga, Iwui yāshong pamlu,

LUKE 5:12

Thangkha ana keinung akhali pamlakha phārrei ngapharhok kahai mi akha rārāsai. Ana Jishuli theida awui mangāli ngakhumzangda poi, “Proho, nana phaningmiakha ili tharngasakshapa.”

JOHN 20:28

Thomasna ngahānkai, “Iwui Proho, iwui Vare!”

OTSAK 9:6

Kha ngakarthuida keinungli zanglu, chili nana sāki kaji hāngminaora.”

PHILIPPINAO 3:8

Chimāng maningmana; iwui Proho Khrista Jishuli theikakhuiwui aman kasak chiwui vang eina ot saikora aremana da shānkhui. Awui vang eina ina ot saikora horhaira; chibing chi khamakhaowa thothap kathana da ina khuiya, chithākha ina Khrista chi samphangpai

HEBREWNAO 2:10

Ot saikora kasā kala phāri khavai Varena mi kachungkhali Anaomayarawui tekhamatei chi samphangrum khavai mingasakphalungra kaji hi mashunglaka.

JOSHUA 20:1

Chiwui thili Prohona Joshuali hānga,

PHONGKHAMI 12:7

Chiwui thili kazingramli rai shoka. Michael eina awui kazingraobingna dragon chili rai ngararra. Dragon china awui raobingli ngasoda ngararra.