JOSHUA 5:13 - Kathara Bible (BSI)

¹³ Joshuana Jericho ngalemli vākashung tharan, ana yangkakā eina mi akha raighai sutshokta chi singlaga nganingsai kala Joshuana ali vāda angahāna, “Na ithumwui mika, ithumwui yangkashekhala?”

JOSHUA 5:13 Iomraidhean Croise

HAOKAPHOK 18:1

Mamrewui shirimthingpamli, ngashunshong sāhaida, awui kachonshim khāmongli pamlakha Prohona Abrahamli rāchithei.

HAOKAPHOK 18:2

Ana kapeikakā eina, yanglu mi kathum awui mangāli nganingkasā thei. Ana athumli kathei eina totot angakhumzanga,

HAOKAPHOK 28:16

Chiwui thili Jacobna thuimathukta hānga, “Kachangkhat eina Proho apam hili lei; ina chi matheikasāna.”

HAOKAPHOK 33:1

Jacobna ngashankhavā tharān yanglu, mi shāmati Esauli ngasoda rārāsai. Chieina ana naoshinaobing chi Leah eina Rachel kala raopava̱ khani da athumli ngayarmihaowa.

HAOKAPHOK 33:5

Esauna yangkāda preinaobing kala naoshinaobing chi kathei eina ngahāna, “Nali khangasobing hi khipālongkhala?” Jacobna hānga, “Naraoli Varena lumashanmida khami naongarābingna.”

1 THOTRINCHĀN 12:22

Thangkachida Davidli ngachonkhavai kharā mi machatlakmana; kala Varewui raimibing thāda shānla makhuithuwa.

1 THOTRINCHĀN 21:27

Chiwui thili Prohona kazingrao chili kasoda raighai chi ahonli sangluihaowa.

1 THOTRINCHĀN 21:30

kha Davidna Vareli ngasan khavai apam chili mavārarthuwa, kaja Prohowui kazingraowui raighaili ngacheehaowa.

SHONGZĀ 23:23

Iwui kazingraona nathumli thānmida Amornaobing, Hitnaobing, Periznaobing, Canaannaobing, Hivnaobing kala Jebusnaobingwui apamli vāzangda, kala ina athumli shimān ngasak kahai chitharan,

DANIEL 10:5

ina imik yangkakā eina, yanglu, khamenga kachon ngavaida Uphazwui sinā eina kasā shānneira̱ neilaga mi akha thei.

DANIEL 8:3

Ina yangkakā tharan yaovā akha kongpheili nganingsai. Angaji khani shoka, khanini sāngthathuiya, kha akhana kasāngmei, kala sāngkhameipā chi shoknaowa.

ZECHARIAH 1:8

Ina ngayāshong, mi akhana sigui kahunga akha tongkazat thei! A tampāk akhali myrtle thingwui ngachaili nganingsai; kala akhanukli kahunga, hungreoseo kala kachara siguibing leisai.

MISHĀN 22:23

Kala Prohowui kazingraona shongfali raighai sutshoklaga nganingkasā gadhā china thei; chieina gadhā china shongfa kānshokta luili zanghaowa; kala Balaamna gadhā chi shongfali shokkhavai ngaphita.

MISHĀN 22:31

Chieina Prohona Balaamwui mik rakngasakta raighai sutshoklaga shongfali khanganinga Prohowui kazingrao chili theihaowa; chi kathei eina ana kui mashunzangda ngakhumshāma.

OTSAK 1:10

Ana kakā chi athumna yangda leilakha, yanglu, kachon kachara khangavai mayarnao khanina athumwui ngalemli nganingda hānga;

JOSHUA 6:2

Chieina Prohona Joshuali hānga, “Yanglu, ina Jericho kala chiwui awunga kala rai kapingabing eina ngasoda napāngli sangmihaira.

PHONGKHAMI 1:13

Thaomeishong chiwui ngachaili miwui naomayara thada, kachon akha phei tumda khangava, kala sināwui shānneira̱ eina mathikli neikahai akha thei.

WUNGVA̱-WUNGVĀ 13:11

Kala Manoahna ngakarthuida apreiva̱li shurvada mipa chili hānga, “Preiva̱ hili rākahānga chi nala?” Ana, “Ina” da ngahānkai.

WUNGVA̱-WUNGVĀ 13:22

Kala Monoahna apreiva̱li hānga, “Ini mashoila thilakra, kaja inina Vareli theihaira.”