JOSHUA 4:7 - Kathara Bible (BSI)

⁷ chitharan Prohowui tuingashit oko mangāli Jordanwui tara̱ chi thenghaowa kaji nathumna athumli pheichitheira. Jordan khamakān chitharan Jordanwui tara̱ thenghaowa. Chiwui vang eina ngalungguibing hi Israel mibingli katang makhavai phaningung khavai ngasāra.”

JOSHUA 4:7 Iomraidhean Croise

LAA 111:4

Ana awui tekhamatei ot phaningung ngasakhaira; Prohova lumashan leishi kathāna.

SHONGZĀ 12:14

“Zimiksho hi nathumwui phaningung khavai atam ngasāra, kala Proho mingli zātkhān sāda, thot kachida shiyan sāda mayonchingra.”

SHONGZĀ 28:12

Kala nana ngalung khani chi ephodwui yārtuiparli sāsangda Israelwui naomayarabingli phaningung khavai sāra; kala Aaronna athumwui mingbing chi Prohowui mangāli yartuili phungkhuida phaningung khavaiwui vangna.

SHONGZĀ 30:16

Israelnaobingwui eina pheomi khavaiwui lupā chi nana khuilaga kazip khavai kachonshimwui ot sākhavai sālu, kaja nathum khalattawui vāng pheomi khavainada Prohowui mangāli Israelnaobingna phaningung khavaina.”

ISAIAH 66:3

“Mukkā taikathat mi chila mi shaokathat kathāna; yaonao shar kasaa chi fawui akahung sātekmi kahai kathāna, muisakchigat kasā mi chila hokshee kachigat kathāna; phaningkhaungwui frankincense kachigat mi chila meoma̱li kaso kathāna. Hibing hi athum khalattawui shongfa kaphā mina, kala athumwui manglāna ningkakachai chili ningkachāngbingna.

MISHĀN 16:40

hina Israelnaobingwui phaningung khavai sai, chiwui vang pāngmon makhaninga kala Aaronwui ara̱-azā makhaninga china Prohowui mangāli nganamkaphā mariktāpaimana, riktaakha Corah kala awui mibingli kasā thāda shokngasakra kaji theingasaka — hi Prohona Moseswui khamor eina Eleazarli theingasaka.

MISHĀN 17:5

Kala ina kapangkakhui mipāwui khāmshui chi ashon shonra; chithāda sāda Israel mibingna nawuitungli ngurngur matuiching kaji hi ina shimān ngasakhaora.”

1 CORINTHNAO 11:24

Vareli ningkashi mijanghailaga serkhaida hānga, “Iwui phasā hi nathumwui vangna, hi ili phaningung khavai sālu.”

KHALATLUI 16:3

Nathumna khawok kazang khamui eina ngasoda chi mashaipaimara; shinithang khawok makazang khamui kachotkachāngwui khamuimāng shaira, kaja nathumna Egypt ngaleiwui eina kashok tharan thaklak eina thuihaowa; Egyptwui ngalei eina kashok zimiksho chi nathumna mirin peida phaningungching khavaina.

JOSHUA 4:6

kaja hina nathumwui vāng khudam ngasāda, naoda rāki kaji atamli nathumwui naongarāna ‘Ngalunggui hiwui kakhalat khikhala?’ da ngahānra,