JOSHUA 4:23 - Kathara Bible (BSI)

²³ Kaja Proho nathumwui Varena ithum saikora mamakānkupranglakha Red Sea theng khangasak thāda, Proho nathumwui Varena nathum mamakānseranglakha eina tangda Jordanwui tara̱ theng ngasaka,

JOSHUA 4:23 Iomraidhean Croise

1 WUNGNAOBING 8:43

nawui pamkhavai kazingramli shākāmilu, kala athumwui kapo athishurda kasāmilu; chieina nawui Israel mibingwui thāda okathuiwui yurbing huptana nawui ming theida nali ngacheera; kala ina sākahai shim hi nawui ming eina hora da athumna theikhuira.

NEHEMIAH 9:11

Kala athumwui mangāli nana shamadru ngakaimihaida shamadrulungli ngalei kathengtungli athumna zatvai; kala shamadruva̱ tara̱lungli lungguinao horkasang thāda kakharomabingli kathukali horsanga.

LAA 78:13

Ana shamadru ngakaimihaida tara̱ ui-ya kazip ngasaklaga alungli kankā ngasaka.

SHONGZĀ 14:21

Chieina Mosesna ngayivāk apāng katingvai; kala ngayā pongda Prohona kapanga zingshoshongwui masi phanngasaka, kala tara̱ chi lānmihaida ngayi thengngasaka, kala tara̱ chi ngayarkhaimihaowa.

SHONGZĀ 15:19

Kaja Pharaohwui siguibing, siguigari eina ngasoda sigui kathaobingla ngayili kazang chitharan, Prohona ngayiwui tara̱ athumwuitungli hanung ngasakta ngaphum ngasaka; kha Israelnaobingna ngayi lungli ngalei katheng tungli zata.

ISAIAH 43:16

Ngayilungli apong phākhame, tara̱lungli shongfa sākhame,