JOSHUA 4:19 - Kathara Bible (BSI)

¹⁹ Mibingna kachāng kharewui katharāthang Jordan kānda Jerichowui thari zingshoshong Gilgalli rāmrah asāpama.

JOSHUA 4:19 Iomraidhean Croise

2 WUNGNAOBING 2:1

Elijahli Prohona sur eina kazingram khuikānanai tharan, Elijah eina Elisha Gilgalwui eina zatphokhairasai.

AMOS 4:4

“Bathelli rālu kala chonmakānlu; Gilgalli vāda morei mataisang ngasaklu, ngathor kachida nathumwui pha̱kaphayā khuirālu, kathumthathang eina tithe khuirā jilu;

AMOS 5:5

kha Bethelli maphaalu; kala Gilgalli mazangalu, lah Beer-shebali mamakānkaalu; kaja Gilgalli mashoilakla raithāhaora, kala Bethel khikha masāvaimara.”

MICAH 6:5

O iwui mibing, Moabwui awunga Balakna khiwor sākhala kaji; kala Beorwui naomayara Balaamna ali khi ngahānkā; kala Shittimwui eina Gilgal khavāli khi shokkhala kaji phaningunglu; chieina nathumna Prohowui huikhami otsak chi theipaira.”

KHALATLUI 1:3

Kala kum hangmati, kachāng tharāda akhawui kharethang Prohona khami ningkhami chiwui athishurda Mosesna Israel mibingli hānga.

KHALATLUI 11:30

Athum chiya Jordan kānlaga shongfawui zimiktunshong, zimik tunkhavai shong Canaannaobingna pānda khalei Arabah, Gilgal ngaheili khalei Morehwui shirimthing phorkhavai chili khalei maningmala?

JOSHUA 10:43

Chieina Joshuana Israel saikorali ngasoda Gilgal rāmrahli latunga.

JOSHUA 10:6

Kala Joshuana Gilgalli pamlakha, Gibeonwui mi chihorāda hānga, “Naraobingli napāng mayansāngnāhaila kharāngachonmilu; kala thākta kharākankhuimilu; kaja phungreiramli kapama Amorbingwui awunga saikorana ithumli rai sākhavai kuinamhaira.”

JOSHUA 15:7

kala thari chi Achor Valleywui eina Debir shanga, laga atungshong Gilgalvāk vākuikai, hi Adummim juikakāli yangngasungda tampāk chiwui azingshong lei; kala thari chi En-shemeshwui ra̱khong vāshunglaga En-rogel vāshunga;

JOSHUA 24:11

Kala nathumna Jordan kānda Jericholi vai, kala Jerichowui mina nathumli rāngarara, kala nathumna Amornaobing, Periznaobing, Canaannaobing, Hitnaobing, Girgashnaobing, Hivnaobing kala Jebusnaobing saikoralila ngararda athumli ina nathumwui pāngli sangmi.

JOSHUA 4:18

Prohowui tuingashit oko khuikaphunga pāngmonbing chi Jordan alungthungwui eina zatphokta athumwui phei ayar kathengli shoknaikasang eina, Jordanwui tara̱ chi hanungda kharewui khalong thāda kong pemda longluihaowa.

JOSHUA 5:10

Israelwui mibingna Gilgalli pamlakha kachāng chiwui tharāda khamatethang ngazin Jerichowui tampākli makānkhami phanit mayona.

JOSHUA 5:9

Kala Prohona Joshuali hānga, “Ina Egyptli maikashi mikahai chi aja nathumwui eina khuithuimihaira.” Chieina apam chili Gilgal hora.

JOSHUA 9:6

Kala athumna Gilgal rāmrahli Joshua eina Israelwui mibingli asamphangda hānga, “Ithum katāva̱wui eina kharāna; chieina arui ithumli tuingashit akha sālu.”

1 SAMUEL 10:8

Kala nana ili rida Gilgalli tāra, kala yanglu, rikkatā kachigat kala ningyatchigat pha̱phayā khavai ina nali chili tāngarokra. Kala nana saki kaji chi tāhāng khavai ina matāranglakha na shinithang ngaraisālu.”

1 SAMUEL 15:33

Kala Samuelna hānga, “Nawui raighai eina preinaobingli nao malei khangasak thāda nava̱la nao manganaoranu” da hānga. Kala Gilgalli, Prohowui mangāli Samuelna Agagli yorsa̱sanghaida akha̱ sāmihaowa.