JOSHUA 4:14 - Kathara Bible (BSI)

¹⁴ Chithang Prohona Joshuali Israel saikorawui mangāli aming reingasaka. Moseswui thot peida ali khangachee thāda, athumna Joshuali ngacheerarang eina nganinga.

JOSHUA 4:14 Iomraidhean Croise

1 WUNGNAOBING 3:28

Awungana bichar sākhami chi Israelnao saikorana shālaga matakhak eina nganingsera; kala mashun bichar sāmi khavai Varewui thangkhamei awungali sangmihaira da theikhui.

2 WUNGNAOBING 2:15

Chitharan Jericholi khalei marānbingwui naomayarabingna ali khalāda kathei eina hānga, “Elijahwui manglā Elishali zanghaira.” Kala athumna ali angaroklaga awui mangāli ngakhumsanga.

1 THOTRINCHĀN 29:25

Israel saikorawui mikyanli Prohona Solomonli khayā kāngasaka, kala Israelli awui mangāli awunga sakasābingli masomilakrangkasa ngamkhamatai awuitungli somi.

2 THOTRINCHĀN 30:12

Prohowui tui awungana kala wungva̱bingna kaso kahai chili Judahli ningkha sākhavai Varena ngasomi.

SHONGZĀ 11:3

Kaja Egyptnaobingna athumli ngahānngai khavai Prohona yangmida lei. Chili lāngda Egypt ngaleili, Pharaohwui otshinabing kala mibingwui miktāli Moses hi kahaka mi akha ngasāsai.

SHONGZĀ 14:31

Egyptnaobingwuitungli Prohona hakkhamahā ot kasā chi Israelnaobingna theilaga Proholi ngachee, kala Proho eina awui rao Mosesli shitsanga.

CHĀNSAM 24:21

Inaomayara, Proholi kala awungali ngacheelu, khaninili kahāng makhanganā masaalu;

ROMNAO 13:4

Kaja ava nawui phākhavaiwui vang ot sāda khalei Varewui raona. Kha makaphā ot sākha ali ngacheelu, khiwui vangkhala jilaga tandi mikhavai pangshap chi awuina. A Varewui raona kala makaphā kasābingwuitungli Varewui tandi chi ana mi.

1 CORINTHNAO 10:2

Athum saikora Moseswui thikashura sāda muiyā eina ngayilungli ra̱hika.

JOSHUA 3:7

Kala Prohona Joshuali hānga, “Aja eina thuida Israel saikorawui mangāli ina naming reingasakra kala Mosesli ina ngasokhami thāda nalila ngasomi kaji athumna theikhuira.

JOSHUA 4:13

Raimi thing hangmati shikha raisāri shaksāda Prohowui mangāli rai sākhavaiwui vāng Jericho tampākli vāhaowa.

JOSHUA 4:15

Kala Prohona Joshuali hānga,

1 SAMUEL 12:18

Chieina Samuelna Proholi kapo eina, chithang Prohona kazing ngashumda kazing rongasaka; kala mi saikorana Proholila Samuellila ngacheelakhaowa.