JOSHUA 4:10 - Kathara Bible (BSI)

¹⁰ Kaja Mosesna Joshuali kaso kahai athishurda Prohona Joshuali sāluda kaso kahai saikora makupranglakha eina tangda oko chi khangava̱ pāngmonbingna kong alungthung chili nganinga. Mibingna katotsisi eina makānkai;

JOSHUA 4:10 Iomraidhean Croise

LAA 119:60

Ina nawui ningkhami mayonkida, kapan maleilakmana.

SHONGZĀ 12:39

Kala athumna Egyptwui eina khuikaphung khawok makazang khamui chi sākhui, kaja thaklāk eina kasham kahaiwui vang mangaraiphathuda kashakazā khikha khangarān masaphāthuwa.

CHĀNSAM 27:1

Akhamawui vang malāngsoalu, kaja zimiksho china khi khuirārakhala da na matheimana.

HĀSHOKME 9:10

Nawui pāngna sākhavai khalei kachiva̱ nawui yāng eina sālu; kaja nana vāki kajipam Kathewui ram chili ot kasāla, chukhamajala, theithangkhameila, aworla maleimana.

ISAIAH 28:16

Chiwui vang eina Proho VAREna hithāda hānga: “Yanglu, Zionwui shimphungali akhoka sākhavai mayarkazak kahai, khamakanga kala makhangatha̱a lunggui shunhaira. ‘Shitkasang khangatarbing ningnganungkhunghai.’

2 CORINTHNAO 6:2

Kaja Varena hānga: “Khuisangmikapai atamli nathumwui tui shāmihaira; huimi khavai zimiksho kharā tharan nathumli ngachonmihaira.” Yanglu, arui khuisangmikapai atamna; arui huikhami zimikshona!

KHALATLUI 31:9

Kala Mosesna ain hi kapikhuida Leviwui naomayarabing Prohowui tuingashitwui oko phungkazata kala Israelwui khararnao saikorali horsangmi.

JOSHUA 24:11

Kala nathumna Jordan kānda Jericholi vai, kala Jerichowui mina nathumli rāngarara, kala nathumna Amornaobing, Periznaobing, Canaannaobing, Hitnaobing, Girgashnaobing, Hivnaobing kala Jebusnaobing saikoralila ngararda athumli ina nathumwui pāngli sangmi.

JOSHUA 3:13

Okathui saikorawui Prohowui ningkhami oko ngava̱kazata pāngmonbingwui pheimayā Jordan tara̱li zangkhanai eina atungshong eina longkatā tara̱ chi ngasāmhaora kala phākho thāda nganinghaora.”

JOSHUA 4:11

mibing saikora makānkā kahai eina pāngmonbingna Prohowui oko chi ngava̱laga yarui mangāshong makānkai.

JOSHUA 4:9

Kala pāngmonbingna tuingashit oko chi ngava̱laga khanganing Jordan alungthung chili Joshuana ngalung tharāda khani shoma; kala chi aja eina tangda lei.