JOSHUA 3:8 - Kathara Bible (BSI)

⁸ Kala tuingashit oko kaphunga pāngmonbingli nana hithāda hāngra, ‘Nathumna Jordan kongwui tara̱li zangkashung chitharan chili nganinglu.’”

JOSHUA 3:8 Iomraidhean Croise

2 WUNGNAOBING 2:6

Chiwui thili Elijahna ali hānga, “Hili pamsālu; kaja Prohona ili Jordanli vāshunglu jihaira.” Kha ana hānga, “Prohowui ming singda kahāngna, nanala katheina, I nali kachilikha mahorhailakmara.” Chieina ani thuithathuihaowa.

2 THOTRINCHĀN 29:15

Athumna achinā ngarāli kazipkhuida tharmathengkhui kala Prohowui tui awungana kakaso athishurda Prohowui shim sāmathā khavai zanga.

2 THOTRINCHĀN 29:27

Chiwui thili Hezekiahna hanphutungli rikkatāchigat chigat khavai kasoi. Rikkatāchigat rikkaphok tharan Proholi masotlaala sāphokuwa, kala Israel awunga Davidwui tingteilā eina talla̱ ngasoda sauwa.

2 THOTRINCHĀN 29:30

Awunga Hezekiah eina wungnaobingna, Levinaobingli David eina marān Asaphwui laa chieina ngasoda Proholi masotlaa sākhavai kasoi. Athumna masotlaa mathānthup eina sāda khokharumla khoruma.

2 THOTRINCHĀN 30:12

Prohowui tui awungana kala wungva̱bingna kaso kahai chili Judahli ningkha sākhavai Varena ngasomi.

NEHEMIAH 13:22

Kala Levinaobingli, athum khalatta tharkhuilaga ngavei mayon khavai, kala sabbaththang kathar eina mayon khavai ina kasoi. Hila ili kaphaningungmilu, O iwui Varivara, kala nawui makhangachei leikashi china ili kahuimilu.

NEHEMIAH 13:28

Kala Eliashibwui nao Jehoiada pāngmon khareina kapharā nao akhana Horonpa Sanballatwui arihā sāsai, chiwui vang eina ali ina kashamhaowa.

SHONGZĀ 14:13

Kha Mosesna mibingli hānga, “Mangacheealu, nganingshinglu, laga aja Prohona nathumli kanmiki kaji chi yanglu; kaja aja nathumna kathei Egyptnaobing hi nathum matheiluilakmara.

CHAPCHĀT 3:26

Prohowui huikhamili ning nganungda kahon hi phālaka.

JOSHUA 3:17

Kala Israelnaobingna ngalei katheng chili kānlakha, Prohowui tuingashit oko kaphunga pāngmonbing china mi saikora makānkupranglakha eina tangda Jordan kong alungthungli nganinga.

JOSHUA 3:3

mibingli kasoi, “Leviwui pāngmonbingna Proho Varewui tuingashit oko chi ngava̱kakā theikhaleoda, nathumwui pam eina zatphokra kala chili shurlu,

JOSHUA 3:7

Kala Prohona Joshuali hānga, “Aja eina thuida Israel saikorawui mangāli ina naming reingasakra kala Mosesli ina ngasokhami thāda nalila ngasomi kaji athumna theikhuira.

JOSHUA 3:9

Kala Joshuana Israelnaobingli hānga, “Proho nathumwui Varewui tui rānganākhuilu.”

JOSHUA 4:11

mibing saikora makānkā kahai eina pāngmonbingna Prohowui oko chi ngava̱laga yarui mangāshong makānkai.