JOSHUA 3:7 - Kathara Bible (BSI)

⁷ Kala Prohona Joshuali hānga, “Aja eina thuida Israel saikorawui mangāli ina naming reingasakra kala Mosesli ina ngasokhami thāda nalila ngasomi kaji athumna theikhuira.

JOSHUA 3:7 Iomraidhean Croise

1 THOTRINCHĀN 29:25

Israel saikorawui mikyanli Prohona Solomonli khayā kāngasaka, kala Israelli awui mangāli awunga sakasābingli masomilakrangkasa ngamkhamatai awuitungli somi.

2 THOTRINCHĀN 1:1

Davidwui naomayara Solomonna awui wungram akhalattana ngaziplak eina sakai, kala Proho awui Varena ngasomida ali pangshap leilak kahai akha sāngasaka.

JOBWUI LAIRIK 7:17

Mi hi khida, nana hiyākha sakta sākhui, kala nana ali hiyākha ningsangda,

LAA 18:35

Nawui huikhamiwui chāngvei chi ili mihaira, kala nawui yāpang eina ili ngachonmi, kala nawui khangachon chieina ili reingasaka.

JOHN 17:1

Jishuna hi hāngkup kahaiwui thili kazingram yangkāda hānga, “Avā, atam chi rāhaira; Nanaomayarali tekmatei ngasakmilu, chieina Nanaomayarana nali tekmatei ngasakra,

PHILIPPINAO 1:20

Thilala, ringlala, atam kachida, mataimeikapta aruihon malungkaping eina I khalatta chikatchaohailaga Khrista maiyā khavai kasāli ina machihohailakmara kaji hi iwui ningkachāngna.

JOSHUA 1:17

Ithumna otsak saikorali Moseswui tui khanganā thāda, nawui tui nganāra; nawui Proho Varena Mosesli ngasokhami thāda nalila ngasomiranu!

JOSHUA 1:5

Nawui mirin peida nawui mangāli khipānakha mangasungrarmara; ina Mosesli ngasokhami thāda nalila ngasomira; chieina ina nali machihomara kala mahorhaimara.

JOSHUA 1:9

Pingmeida malung zangmeilu, da ina nali makasomala? Mangacheealu, kakhanangla makhanangalu, kaja nawui Proho Varena nawui kazatzatpamli ngasomira.”

JOSHUA 3:6

Kala Joshuana pāngmonbingli hānga, “Tuingashitwui oko chi ngava̱kāda mibingwui mangāli zatvālu.” Chieina athumna tuingashit oko chi ngava̱phungda mibingwui mangāli zata.

JOSHUA 3:8

Kala tuingashit oko kaphunga pāngmonbingli nana hithāda hāngra, ‘Nathumna Jordan kongwui tara̱li zangkashung chitharan chili nganinglu.’”

JOSHUA 4:14

Chithang Prohona Joshuali Israel saikorawui mangāli aming reingasaka. Moseswui thot peida ali khangachee thāda, athumna Joshuali ngacheerarang eina nganinga.