JOSHUA 3:3 - Kathara Bible (BSI)

³ mibingli kasoi, “Leviwui pāngmonbingna Proho Varewui tuingashit oko chi ngava̱kakā theikhaleoda, nathumwui pam eina zatphokra kala chili shurlu,

JOSHUA 3:3 Iomraidhean Croise

2 SAMUEL 6:13

kala athumna Prohowui ningkhami oko chi phunglaga ngasām tharuk kakhui eina, ana mukkā akha eina asā kaphā seinao akha da pha̱phayai.

2 SAMUEL 6:3

Kala kaphungtungli kapama Abinadabwui shim eina Varewui ningkhami oko chi akhuida seigari kadhar akha eina phunga; kala gari kadhar chi Abinadabwui naomayara khani, Uzzah eina Ahiona thaunga,

1 WUNGNAOBING 8:3

Israelwui ararbing rāserda pāngmonbingna oko chi akhui.

JEREMIAH 33:18

kala ili rikkatā kachigat, tharāzāt kachigat kala pha̱phayāching khavai Leviwui pāngmonbing shimkhurwui mi akhala mavātlakmara.”

MISHĀN 10:33

Chiwui thili athumna Prohowui phungrei chiwui eina kathumthangwui shongzā zatuwa, kala athumwui ngasām khavaipam phākhui khavai tuingashit oko china rida zata.

MISHĀN 4:15

Kala Aaron eina naomayarabingna katharapam eina chiwui thongthāngbing chi shaksākuphaida athum zatuki kaji tharan Kohathwui naomayarabingna chi ngava̱ra, kha athumna kathara otbing chili masāza̱paimara, kaja athum thipaishina. Kohathwui naomayarabingna khuiphungki kaji kazip khavai kachonshimwui otbing chi hina.

MATTHEW 16:24

Chiwui thili Jishuna awui sākhangatha̱bingli hānga, “Kachikathāna ithi shurga jiakha, khalattali malaihailaga, awui krush phungda ithi shurranu.

MATTHEW 8:19

Kala ain kathema akhana ali rāhānga, “Ojā, nana kazazatpam kachida I nathi shurga.”

KHALATLUI 31:25

Mosesna Prohowui tuingashit oko phungkazata Levinaobingli kasoi,

KHALATLUI 31:9

Kala Mosesna ain hi kapikhuida Leviwui naomayarabing Prohowui tuingashitwui oko phungkazata kala Israelwui khararnao saikorali horsangmi.

JOSHUA 3:4

chieina nathumna vāki kaji shongfa nathumna theira, kaja nathum hili marālakranga. Kha nathum oko chiwui eina khuining thingkhani khalāda zatphalungra; marānganaipaimana.”

JOSHUA 3:6

Kala Joshuana pāngmonbingli hānga, “Tuingashitwui oko chi ngava̱kāda mibingwui mangāli zatvālu.” Chieina athumna tuingashit oko chi ngava̱phungda mibingwui mangāli zata.

JOSHUA 3:8

Kala tuingashit oko kaphunga pāngmonbingli nana hithāda hāngra, ‘Nathumna Jordan kongwui tara̱li zangkashung chitharan chili nganinglu.’”

JOSHUA 4:10

Kaja Mosesna Joshuali kaso kahai athishurda Prohona Joshuali sāluda kaso kahai saikora makupranglakha eina tangda oko chi khangava̱ pāngmonbingna kong alungthung chili nganinga. Mibingna katotsisi eina makānkai;

JOSHUA 6:6

Chieina Nunwui naomayara Joshuana pāngmonbingli hokhuida hānga, “Tuingashitwui oko chi ngava̱kālu kala pāngmon shinina yaovāngajiwui talla̱ shini khuiphungda Prohowui oko mangāli zatngasaklu.”

PHONGKHAMI 14:4

Mibing chiya sha̱naoli makhayonabing; kachingbingmānga kala Yaonaona khavāvāli ngasozatching kajebingna, Vare eina Yaonaowui vang athumli mikumowui matheikhare sāda ngatangkhui kahaina.

1 SAMUEL 6:15

Kala Levinaobingna Prohowui oko eina sinā ama̱ kazang oko chi ngazontālaga ngalungtung chili khaninghai; kala chithang Beth-shemeshwui mibingna rikkatā kachigat Proholi pha̱phayāda chigata.