JOSHUA 3:15 - Kathara Bible (BSI)

¹⁵ kala oko khangava̱ pāngmonbingwui pheina Jordan tara̱li naiza̱khaleoda, (māhā peida chiwui kongphei saikora tara̱ pemda longa),

JOSHUA 3:15 Iomraidhean Croise

2 WUNGNAOBING 2:6

Chiwui thili Elijahna ali hānga, “Hili pamsālu; kaja Prohona ili Jordanli vāshunglu jihaira.” Kha ana hānga, “Prohowui ming singda kahāngna, nanala katheina, I nali kachilikha mahorhailakmara.” Chieina ani thuithathuihaowa.

1 THOTRINCHĀN 12:15

Athumna, kachāng khare atamli, kong phongshilongda leilakha Jordan kankāda tampākli leikasābingli zingsho zingtun kashamvāserhaowa.

1 THOTRINCHĀN 12:16

Benjamin eina Judahwui mi kaikhana Davidwuili vai.

ISAIAH 26:6

Kachāmabingwui phei, khavātabingwui pheikarna naikazama.

JEREMIAH 12:5

“Nana mili shongzā ngakhuilaga athumna nali tāpop ngasakhaikha, siguibingli kathāda ngakhuirarra? Kala ngalei khamasaili kongluiakha Jordanwui khararle kathāra?

JEREMIAH 49:19

Yanglu, khangazipa yaoshimli Jordan ngahongwui eina kazingkha̱ kashok thāda, ina athumli awui eina kashuirak eina yāmngasakhaora, kala ali mungkhavai ina khuikhangai mi akha kapangsangra. Kaja I kathā khipā leikhala? Ili yaokahoma khipāna ngasungshaprakhala?

NAHUM 1:4

Ana shamadruli khararda thengngasaka, ana kong saikora thengngasaka; Bashan eina Carmel ngahuihaowa; Lebanonwui awonla pa̱tai.

JOSHUA 3:13

Okathui saikorawui Prohowui ningkhami oko ngava̱kazata pāngmonbingwui pheimayā Jordan tara̱li zangkhanai eina atungshong eina longkatā tara̱ chi ngasāmhaora kala phākho thāda nganinghaora.”

JOSHUA 4:18

Prohowui tuingashit oko khuikaphunga pāngmonbing chi Jordan alungthungwui eina zatphokta athumwui phei ayar kathengli shoknaikasang eina, Jordanwui tara̱ chi hanungda kharewui khalong thāda kong pemda longluihaowa.