JOSHUA 3:13 - Kathara Bible (BSI)

¹³ Okathui saikorawui Prohowui ningkhami oko ngava̱kazata pāngmonbingwui pheimayā Jordan tara̱li zangkhanai eina atungshong eina longkatā tara̱ chi ngasāmhaora kala phākho thāda nganinghaora.”

JOSHUA 3:13 Iomraidhean Croise

1 THOTRINCHĀN 29:11

O Proho, reikhamataiya chi nawuina, sāshap vāshapla, tekhamateila, khayuila kala ngamkhamataila nawuina; kaja kazinglila okathuilila khalei saikora nawuisera; wungramla, O Proho, nawuina, kala saikorawuitungli akui sāda naming reimataimeithuiya.

LAA 33:7

Liklili thaikahai thāda shamadru tara̱ katonga ana kazipkhui; ana kathukthuk chi kazipshimli kaziphai.

LAA 74:15

Ura̱la, kongrāla nana urngasaka; longshon longthai kaji kongrā thengngasaka.

LAA 78:13

Ana shamadru ngakaimihaida tara̱ ui-ya kazip ngasaklaga alungli kankā ngasaka.

SHONGZĀ 15:8

Na nātāngkhurwui kakathangna, tara̱ kapungkai; ra̱phong kapungkāda phākho sāmiya; shamadru alungli kathuka china atang ngasakhaowa.

ISAIAH 54:5

Khikhalajila nawui Kasā Akhavā chi nagaharana, saikorawui Proho chi awui mingna; Israelwui Kathara chi nawui Ngatangkhamena, ali okathui saikorawui Vare hoi.

HABAKKUK 3:15

Nana shamadrutungli nawui sigui eina naikazamda, hakkhamahā tara̱ malaokai.

ZECHARIAH 4:14

Chieina ana hānga, “Hi okathui saikorawui Prohowui ngalemli khanganinga thao neomi kahaia khani china.”

JOSHUA 3:11

Yanglu, okathui saikorawui Prohowui tuingashit oko chi Jordanli nathum saikorawui mangāli ngava̱kāra.

JOSHUA 4:7

chitharan Prohowui tuingashit oko mangāli Jordanwui tara̱ chi thenghaowa kaji nathumna athumli pheichitheira. Jordan khamakān chitharan Jordanwui tara̱ thenghaowa. Chiwui vang eina ngalungguibing hi Israel mibingli katang makhavai phaningung khavai ngasāra.”