JOSHUA 3:11 - Kathara Bible (BSI)

¹¹ Yanglu, okathui saikorawui Prohowui tuingashit oko chi Jordanli nathum saikorawui mangāli ngava̱kāra.

JOSHUA 3:11 Iomraidhean Croise

1 THOTRINCHĀN 29:11

O Proho, reikhamataiya chi nawuina, sāshap vāshapla, tekhamateila, khayuila kala ngamkhamataila nawuina; kaja kazinglila okathuilila khalei saikora nawuisera; wungramla, O Proho, nawuina, kala saikorawuitungli akui sāda naming reimataimeithuiya.

JOBWUI LAIRIK 41:11

Ina runlui khavai khipāna ili chishuthaikhala? Kazingram azingli khalalei katonga iwuisera.

LAA 24:1

Okathui kala chiwui alungli pemting kahai, apuk-apaga kala chiwui alungli khaleibing Prohowuisera.

LAA 97:5

Prohowui mangāli phungreibing khuira̱ thāda menga, okathui saikorawui Prohowui mangāli.

ISAIAH 3:12

Iwui mibingwui - naoshinaobingna athumwui rekakharekana, kala sha̱naobingna athumli munga. O iwui mibing, nathumwui kathānabingna nathumli thannguiya, kala nathumwui shongfawui apong masho ngacheimiya.

ISAIAH 54:5

Khikhalajila nawui Kasā Akhavā chi nagaharana, saikorawui Proho chi awui mingna; Israelwui Kathara chi nawui Ngatangkhamena, ali okathui saikorawui Vare hoi.

JEREMIAH 10:7

Nali khipāna mangacheemarakhala, O yurbingwui awunga? Kaja hi nawui ngamna; kaja yur saikorawui thangkhamaingwui alunglila kala athumwui wungram saikorawui alunglila, nakathā maleilakmana.

MICAH 4:13

Thuingapolu, O Zionwui naongalāva̱, kaja ina nawui angaji mari ngasā ngasakra, kala nawui pheimareng pithrai ngasā ngasakra; nana yur kachungkhali ngaphitkazamra, kala athumwui tongkakhui chi Proholi mira. Athumwui lan chi okathui saikorawui Proholi mira.

ZEPHANIAH 2:11

Prohona athumli sāshilak eina sāra; mha, okathuili khalei varebing saikorali ana khumngasakra; kala yur kachiva̱na kachichāpamwui eina ali khoruma.

ZECHARIAH 14:9

Kala Prohona okathuiwuitungli awunga sāra; chithanghon Proho akhamāngra kala amingla akhamāngra.

ZECHARIAH 4:14

Chieina ana hānga, “Hi okathui saikorawui Prohowui ngalemli khanganinga thao neomi kahaia khani china.”

ZECHARIAH 6:5

Chieina kazingrao china ili ngahānkai, “Hibing hi okathui saikorawui Prohowui mangāli vānganing kahaiwui thili kazingramwui masi matili vaukida kazatna.”

KHALATLUI 9:3

Chiwui vang eina aja hi theilu, kaja nathumwui mangāli meichot eina zatta khalei chi Proho nathumwui Varena; ana nathumwui miktāli athumli sāshimānra kala yuikhuira; kala Prohona ngashit kahai thāda nathumna athumli kashamshokhaida thaklāk eina shimān ngasakra.

JOSHUA 3:13

Okathui saikorawui Prohowui ningkhami oko ngava̱kazata pāngmonbingwui pheimayā Jordan tara̱li zangkhanai eina atungshong eina longkatā tara̱ chi ngasāmhaora kala phākho thāda nganinghaora.”