JOSHUA 3:10 - Kathara Bible (BSI)

¹⁰ Kala Joshuana hānga, “Chiwui thili, kharinga Vare nathumwui alungli lei kaji nathumna theikhuira kala makahatlakla ana Canaannaobing, Hitnaobing, Hivnaobing, Periznaobing, Girgashnaobing, Amornaobing kala Jebusnaobingli nathumwui miktāli kashamshokra.

JOSHUA 3:10 Iomraidhean Croise

HAOKAPHOK 15:21

Amor, Canaan, Girgash kala Jebusbingwui ngalei china.”

1 WUNGNAOBING 22:28

“Na chingri eina latungluisi kaje” Micaiahna hānga, “Prohona ili hāngmi khangasak maningmana!” Kala ana hānga, “Miyur saikora iwui tui hi nganālu.”

2 WUNGNAOBING 19:4

Assyriawui awungana Rabshakehli chihorāda kharinga Vareli mana̱shikida tui kachungkha kahāng hi nawui Proho Varena shāserhairara. Chiwui vang shākkahaibing hiwui vang seihā kasāmilu.”

1 THOTRINCHĀN 1:14

kala Jebusnao, Amornao, Girgashnao,

LAA 42:2

Kharinga Varewui vang imanglāna Varewui vang ra̱changa, Varewui mai ina katharan atheirakhala?

LAA 9:16

Prohona akhalatta chitheimihaira, awui bichar sākuphaira, makaphā makhayābing china athumwui pāng eina sākahai khalen chili mana.

SHONGZĀ 17:7

Ana apam chili Massah kala Meribah hoi, kaja Israelnaobingna khayon phāngarokta kala Proholi chāng yangda “Prohona ithumli ngasolika mangasomakhala?” da kahāngwui vangna.

SHONGZĀ 3:8

Chieina athumli Egyptnaobingwui eina kanshok khavai, kala chiwui eina thānshokta seina̱ eina khuira̱ khalonga khamathā kala khamashā apam Canaannao, Hitnao, Amornao, Periznaobing, Hivnaobing, kala Jebusnaobingwui ngaleili thānvā khavai I katāna.

SHONGZĀ 33:2

Kala ina nathumwui mangāli kazingrao akha chihorāda, ina Canaannaobing, Amorbing, Hitnaobing, Periznaobing, Hivnaobing kala Jebusbingli kashamshokmihaora.

ISAIAH 7:14

Chiwui vang eina Proho akhalattana nathumli machut akha mira. Yanglu, ngalānao akhana nao vaida mayarnao akha pharāra kala awuiming Immanu-el hora

JEREMIAH 10:10

Kha Proho chi khamashunga Varelaka; a kharinga Varena kala makashimāna Awungana. A malungkathui tharan okathui nganuka, kala awui malungkhavāt chi yurbing maphungrarmana.

HOSEA 1:10

Chithālala Israel yurwui mashing mashānkharar mangatamkapai shamadruwui situi thahaora; kala athumli kahāng, “Nathum iwui maningmana” majiluila athumli “Kharinga Varewui naongarābing” hohaora.

MISHĀN 13:29

Amaleknaobingna Negebwui ngaleili somda lei; Hitnaobing, Jebusnaobing kala Amornaobing phungreiramli pama, kala Canaannaobingna shamadrushong kala Jordan ngaheivāk pamdalei.”

MATTHEW 16:16

Simon Peterna ngahānkai, “Na Khrista, kharinga Varivarawui Naomayara china.”

JOHN 6:69

Ara ithum shitsanghaira, kala ithumna theihaira, Varewui Tharkhamathengapa chi nalaka.”

KHALATLUI 31:17

Chieina chithang iwui malungkhavāt athumwuitungli tāshungda, I mai athumwui eina ngareithuida athumli horhaora, kala athumli mayuisanghaora; kala kalākashila makaphāla kachungkha athumwuitungli samkaphang eina, ‘Ithumwui Varena ithumli mangasokhamiwui vang kalākashi hi ithumwuitungli rākashok maningmala?’ da chithang athumna hāngra.

KHALATLUI 5:26

Kaja phasā khavai saikorawui alungli kachikathā mi akhana, ithumna kashā thāda meilungwui eina kharinga Varewui akhon shākahai khipālongna ringlikhala?

KHALATLUI 7:1

“Nathumna samphangki kaji ngaleili Proho nathumwui Varena thānkazang tharan, kala nathumli chungkhamei kala pangkhamei yur shini: Hit, Girgash, Amor, Canaan, Periz, Hiv kala Jebusnaobingli kashamhaida,

KHALATLUI 7:21

Athumli ngachee khavai maleimana; kaja nathumli ngasomida khalei Proho nathumwui Vare chiya sāshap-vāshapa kala makahaiya Varena.

1 THESSALONICANAO 1:9

Ithumna kharā tharan nathumna ithumli samkhangarok kala meoma̱ horhaida khamashung kala kharinga Vareli kathada otram ngatha̱haokhala kaji mi saikorana ngazeksera.

HEBREWNAO 10:31

Kharinga Varewui pāngli tākazang hiya khangachee khangacham otna.

JOSHUA 11:3

zingsho zingtunwui Canaannaobing, kala Amornaobing, Hitnaobing, Periznaobing, phungreili kapam Jebusnaobing kala Mizpah ngaleiwui Harmon azingli khalei Hivnaobing saikorali rai asuiya.

JOSHUA 12:8

kaphungram, angakoram, Arabah alungli khalei, kaphungpheili khalei, lamhāngli khalei kala Negeb alungli khalei, Hitnaobing, Amornaobing, Canaannaobing, Periznaobing, Hivnaobing kala Jebusnaobingwui ngaleibing hina):

JOSHUA 21:45

Prohona Israel shimkhurli kaphā ngashit kahai saikora maungkashung maleimana; saikora ungshungsera.

JOSHUA 22:31

Chieina pāngmon Eleazarwui naomayara Phinehasna Reubennaobing, Gad kala Manassehli hānga, “Aja Prohona ithumli ngasomi kaji ithumna thei, kaja nathumna Prohowui mangāli khikha zakkashi masāmana kala nathumna Israelwui mibingli Proho pāngwui eina kanmihaira.”

JOSHUA 24:11

Kala nathumna Jordan kānda Jericholi vai, kala Jerichowui mina nathumli rāngarara, kala nathumna Amornaobing, Periznaobing, Canaannaobing, Hitnaobing, Girgashnaobing, Hivnaobing kala Jebusnaobing saikoralila ngararda athumli ina nathumwui pāngli sangmi.

JOSHUA 3:9

Kala Joshuana Israelnaobingli hānga, “Proho nathumwui Varewui tui rānganākhuilu.”

JOSHUA 9:1

Jordan kānda khalei kaphungram Lebanonshong Great Sea shangshungda kala khanem tampākli khalei Hit, Amor, Canaan, Periz, Hiv kala Jebuswui awungabingna shokta khalei otshot hi kashā eina,

1 SAMUEL 17:26

Awui ngalemli khanganingbing chili Davidna hānga, “Israelwui eina maikashi khuithuimiki kaji Philistinepa hili sākathata chili khi sāmira jikhala? Kaja kharinga Varewui raimili kakasira ahui marimkashoka Philistinepa hi khini jikhala?”

1 SAMUEL 26:6

Chiwui thili Davidna Hitpa Ahimelech eina Zeruiahwui naomayara Joabwui achinā Abishaili hānga, “Saulwui rāmrahli nani ili khipa ngasotānikhala?” Abishaina, “I nali ngasotāra” da hānga.