JOSHUA 24:8 - Kathara Bible (BSI)

⁸ Chiwui thili ina nathumli Amorbing Jordan lākhavāk pamkasābingwui ngaleili khuivai; athumna nathumli ngararlala ina athumli nathumwui pāngli mi, kala athumwui ngalei chi nathumli samphang ngasaka, kala ina athumli nathumwui miktāli shimān ngasaka.

JOSHUA 24:8 Iomraidhean Croise

NEHEMIAH 9:22

“Kala nana athumli wungrambingla, mibingla mi, ramla achikun-achikai vāshungda samphang ngasaka; chieina athumna Heshbonwui awunga Sihonwui ngalei eina Bashanwui awunga Ogwui ngalei samphanga.

SHONGZĀ 23:23

Iwui kazingraona nathumli thānmida Amornaobing, Hitnaobing, Periznaobing, Canaannaobing, Hivnaobing kala Jebusnaobingwui apamli vāzangda, kala ina athumli shimān ngasak kahai chitharan,

AMOS 2:10

Kala Egyptwui eina ina nathumli thānshoka, Amorwui ngalei khuikhavai, lamhāngli kum hangmati thānzata,

AMOS 2:9

“Chithālala, nathumwui vang cedarthing thāda juikhamatai, kala shirimthing thāda khamakanga, Amornaobingli ina shimān ngasaka; ina atonli athei khamathei, kala alungli khalei angayungla shimān ngasaka.

KHALATLUI 2:32

Chieina Sihonna awui mi saikorali ngasoda ithumli ngarar khavai Jahazli rai.

JOSHUA 13:10

kala Heshbonli mungkasā Amorbingwui awunga, Sihonwui keinungbing saikora Amorbingwui thari vāshunga;