JOSHUA 24:7 - Kathara Bible (BSI)

⁷ Kala athumna Proholi khangakao eina, ana athum eina Egyptnaobingwui ngachaili ngamiting ngasakhaowa, kala tara̱na athumli ngaphumthathaowa; kala ina Egypt mibingli khi sākhala kaji nathum mik eina thei; kala nathum lamhāngli atam kasāngkha pama.

JOSHUA 24:7 Iomraidhean Croise

SHONGZĀ 14:10

Pharaohna akhanganai tharan, Israelnaobingna ngashānungda Egyptnaobing rākharā chi thei, kala athum ngacheelakhaowa, kala Israelnaobingna Proholi ngakaowa,

SHONGZĀ 14:20

china Egyptnaobingwui raimi eina Israelnaobingwui raimi ngachaili nganinghaoda lākhashong muiyāna tangmanghaowa, lākhashong horngasakta ngayā pongda akhashila akhashili mavā ngarokmana.

SHONGZĀ 14:31

Egyptnaobingwuitungli Prohona hakkhamahā ot kasā chi Israelnaobingna theilaga Proholi ngachee, kala Proho eina awui rao Mosesli shitsanga.

KHALATLUI 1:46

Chiwui vang nathumna Kadeshli chirankha pamkahaina.

KHALATLUI 2:14

Thot chiwui rai kasābing Prohona ngashit kahai thāda athum mathingakānranglakha eina tangda ithumna Kadesh-barneawui eina zatphokta Zered kong kakān kum thumrāda chishatna.

KHALATLUI 29:2

Kala Mosesna Israel saikorali hokhuida athumli hānga: “Egypt ngaleili leilakha Prohona nathumwui mangāli Pharaohli kala awui raobingli kala awui ngalei saikorali kasāsā chi nathumna theiserhaira,

KHALATLUI 4:34

Maningakha akhalattawui vang yur akhali khangatei yur akhawui eina chāng yangda, matakhak kahai masākharar khudam eina, tekhamatei eina, kala rai eina, kapanga pāng eina pāngthei katingshokta, lah kahaka khangachee otsak eina, nathumwui miktāli Egyptli nathumwui vang Proho nathumwui Varena ot saikora sākhami thāda kachikathā vare akhana sāmiyanghairala?

HEBREWNAO 3:17

Kum hangmati Varena khipāli malungvātkhala? Morei kasābing kala lamhāngli thisang kahaibing chi maningmala?

JOSHUA 5:6

Kaja Egyptwui eina kashoka mibing, raimi saikora mathingakanranglakha eina tangda Israelwui mibing kum hangmati lamhānglungli zata; khikhalajila athumna Prohowui tui makhuisangmana; athumli seina̱ eina khuira̱ khalonga ngalei mirada avāva̱ ngarāli Prohona ngashithaikasā chi athumli mathei ngasakmara da Prohona ngashithaowa.