JOSHUA 24:32 - Kathara Bible (BSI)

³² Josephwui ara̱kui Israelwui mibingna Egyptwui eina khuikashok chi Shechemwui ngalei akai akha Shechemwui avāva̱ Hamorwui naomayarabingwui eina Jacobna lupāsā shākha mida lokakhui chili chifahaowa; chi Josephwui ara̱-azāwui shimlui ngasahaowa.

JOSHUA 24:32 Iomraidhean Croise

HAOKAPHOK 33:19

Ana awui kachonshim khāngkhaningkakā apam chi Shechemwui avāva̱ Hamorli lupāsā shākha mida lokhui.

HAOKAPHOK 48:22

Chili lāngda nachinā ngarāli mamila napāli, ina raighai eina malā singlaga Amornaobingwui eina kakhui kaphungwui amai akha mihaira.”

HAOKAPHOK 50:24

Kala Josephna achināngarāli hānga, “I thiki jihaira; kha Varena nathumli ngasomida, Abrahamli, Isaacli, Jacobli ngashit kahai lam chili, apam hiwui eina thānshokra.”

HAOKAPHOK 50:25

Chiwui thili Josephna Israelwui naomayarabingli khangashit akha sāngasakta hānga, “Varena nathumli ngasomira, kala iwui ara̱kui hiwui eina nathumna phungthuira.”

SHONGZĀ 13:19

Mosesna Josephwui ara̱kui khuiphunga, kaja, “Varena nathumli rāhokhuira, chitharan iwui ara̱kui hiwui eina khuiungki kajina” da saklak eina hānghaisai.

JOHN 4:5

Chieina Jacobna anaomayara Josephli khami tampāk chiwui ngalemli khalei Sychar kaho Samariawui keinungli ana vai.

OTSAK 7:15

Jacobna Egyptli tai kala chili ala, awui naongarābingla thisangsera.

OTSAK 7:16

Athumwui phasā chi Shechemli khuiunga kala chili Abrahamna Hamorwui naongarāwui eina lokakhui chikhur chili ungchizana.

HEBREWNAO 11:22

Shitkasang mangā eina Josephna thinanai, Israelnaobingna Egyptwui eina yāmshokki kaji tui hāngmi, kala ali chifaki kajiwui ponglila hāngsera.