JOSHUA 24:31 - Kathara Bible (BSI)

³¹ Kala Joshuawui atamli kala a thikahaiwui thili ringkhavā ararbing, kala Prohona Israel mibingwui vang sāmi kahai katheibing ringlakha eina tangda Israelwui mibingna Proholi otram ngatha̱sai.

JOSHUA 24:31 Iomraidhean Croise

HAOKAPHOK 14:10

Chitharān Siddimwui Tampāk hiya bitumen khewui chomna pemsai. Chieina Sodom eina Gomorrahwui awunga khani china khayām chitharān mi kaikha chili tāzanghaowa; kataibing chiya phungreili yāmkāhaowa.

2 THOTRINCHĀN 24:2

Jehoiada pangmona ringlakha eina tangda Joashna Prohowui miktāli khamathā otmāng sai.

2 THOTRINCHĀN 34:33

Kala Israelwui apam saikorali khalei ningkakachai ot saikora Josiahna chiwui eina khuithuimiserhaowa. Israelli khalei athum saikora athumwui Proho Vareli otram ngatha̱ ngasaka. Awui mirin peida athumwui avāva̱ ngarāwui Proho Vareli kashurwui eina mayāmlakmana.

OTSAK 20:29

Ina thei kaja I thuikahaiwui thili sākashi ramfabingna nathumwui ngachaili rāzangda khipālikha haisāsa majilakmara.

KHALATLUI 11:2

Kala aja zimiksho, (kaja ina mathei-mashārang kaje nanao ngarāli kahāng maningmana), Proho nathumwui Varewui hāngkhamachin phaningkhuilu, awui hakkhamahā kala awui pāngthei kharei machukkhuilu,

KHALATLUI 11:7

kaja Prohona sākahai hakkhamahā ot saikora nathumwui mik eina theikahaina.

KHALATLUI 31:13

kala nathumna Jordan kānda asomki kaji ngalei chili nathumna okthuida leilakha eina tangda, matheirangda khalei athumwui naongarā, athumna chi shākhuida Proho nathumwui Vareli khangachee tamkhuiranu.”

KHALATLUI 31:29

Kaja I thikahaiwui thili nathumna mashoilakla khangui otmāng sāda, ina kaso kahai chiwui athi mashurmara kaji ina thei; kala rārāda khalei zimiksholi makaphā kachungkha nathumwuitungli tāra̱, kaja Prohowui mangāli nathumwui pāngna makaphā makhayā otmāng kasāwui vang ali malungvāt ngasakra.”

PHILIPPINAO 2:12

Chieina, iwui leikashebing, nathumna atam kachida kahāng nganā kahai thada, aruila, imiktāmāngli maningla kha lāngmeikharda I makhalei tharan Vareli khangachee kala kachiham eina nathumwui huikhami chi mapung phakhavai hotnakhuilu.

WUNGVA̱-WUNGVĀ 2:10

Kala chiwui mithot saikora chila awova̱ ngarāwuili vāserhaowa; kala athumwui thili Proholi makathei kala ana Israelwui vang sāmi kahai otsak makathei khangatei thot akha shoka.

WUNGVA̱-WUNGVĀ 2:6

Joshuana mibingli chiho kahai eina, Israelwui mibingna kachichāwui shimlui khuikhavai unghaowa.

WUNGVA̱-WUNGVĀ 2:7

Kala mibingna Joshuawui thotli kala ali okpeikhamei khararnaobing, Israelwui vang Prohona kahaka ot sāmi kahai saikora katheiya athum ringlakha eina tangda athumna Proholi otram ngatha̱sai.